Resensie: Liefde By Die Dam 2017

0
2672
views

Dit was die eerste naweek van Augustus, wat altyd Oppikoppi beteken het… but, screw your happiness, toe nou nie. Gelukkig het Jacaranda FM ons backs gehad, en ‘n klomp bekende name in een plek te kry vir ‘n dag van entertainment. Die afgelope Sondag het talle mense gestroom na Emmarentia Dam in Johannesburg vir nog ‘n Jacaranda FM More Music You Love Experience: Liefde by die Dam 2017.

Die prettige dag in die son is geopen deur een van my gunsteling solo acts, Majozi. Die hekke het 10 uur ge-open, dieselfde tyd wat Majozi op die verhoog verskyn het. Gelukkig kon diegene wat in die eeue-lange ry moes wag, Majozi se soet melodieë al van ver af hoor.

Majozi-@-Liefde-By-Die-Dam-2017-600x400 Resensie: Liefde By Die Dam 2017

Hy spog deesdae met ‘n nuwe haarkleur (rooi) en hy was die perfekte act om die liefde aan te wakker by Liefde by die Dam. Hy het liedjies van sy album “Fire” gespeel, wat die titelsnit, “Darling”, “Lighthouse” en “The Woods” ingesluit het. Hy het ook ‘n cover van “Titanium” van David Guetta featuring Sia perform.

Die man met die majestic beard, Jo Black, was volgende op. Dis geen wonder hy is ‘n ambassadeur vir The Captain’s Beard baard-olie nie. Om eerlik te wees is daai baard al waaraan ek dink as ek die naam Jo Black hoor. Die enigste ding totdat hy sy kitaar begin tokkel het.

Jo-Black-@-Liefde-By-Die-Dam-2017 Resensie: Liefde By Die Dam 2017

Dis duidelik om te sien hoekom so baie mense aanklank vind by hom, elke liedjie het ‘n staaltjie daaraan verbonde. Sy lirieke is eerlik, woorde vanaf die hart. Hy het liedjies gespeel soos “Yster Slyp Yster” en “Bring Die Hoop Weer Terug”. Hy het ook ‘n oulike storie van sy vrou vertel en hoe hy “Die Vrou Wat Ek Liefhet” spesiaal vir haar geskryf het. Hyt dit aan alle vroue in die gehoor vir Vrouedag opgedra.

JR het die crowd behoorlik op hul voete gekry. JR, wat bekend vir sy 2009 liedjie, “Show Dem”, het al baie gefeature met acts soos Die Heuwels Fantasties en Jack Parow. Hy is een van Suid-Afrika se bekendste rappers. Dit het vir my gevoel asof hy bietjie verdwyn het op ‘n stadium, maar hyt onlangs ‘n nuwe album bekend gestel, en feature weer saam Die Heuwels Fantasties op hul album Okay! Hyt die crowd laat dans, sommige van ons het selfs ons white-girl booties geskud.

JR-@-Liefde-By-die-Dam-2017 Resensie: Liefde By Die Dam 2017

Riana Nel vat my altyd terug na my hoërskool dae. Sy het meeste Vrydae oggend by Waterkloof op gepitch, ‘n liedjie of twee kom sing, en dan ‘n liedjie of twee op die spot op gemaak. Sy het dieselfde by Liefde by die Dam gedoen. Sy het vir ‘n couple wie hul 5-jaar huweliks herdenking vier, ‘n liedjie geskenk gegee. Die crowd het haar covers van Alanis Morissette se “Ironic” en Brandi Carlile se “The Story” gelove. Vir iemand wat nie regtig ‘n groot Afrikaanse fan is nie, het ek secretly Riana Nel baie geniet. Ek het self van haar eie songs geken, soos “Timbuktu” en “Soos die Son”.

Riana-Nel-@-Liefde-By-Die-Dam-2017 Resensie: Liefde By Die Dam 2017  ‘n Lewende legende was volgende op. Jul sal haar wel nou nie kan sien nie, aangesien ons geen foto’s van haar mag geneem het nie. Maar ek is seker as die jy naam Laurika Rauch hoor, weet jy presies wie dit is. Sy het die stage gedeel saam met die kitaar-wonder Loki Rothman. Saam het hul die crowd nostalgies gehad met “Kinders van die Wind”, “Op Blouberg se Strand”, “Stuur Groete aan Mannetjies Roux”, en “Blou”. Ek het weer soos’n 4-jarige meisie gevoel, and I’m not even mad.

Volgende was almal vermaak deur Tresor, die man met ‘n wonderlike storie. Vir die wat nog nie weet nie, Tresor (Frans vir treasure) het vanaf die Demokratiese Republiek van Kongo gestap, als om vir hom ‘n beter lewe te skep. Hy’t gegaan van karwag wees na werk saam name soos AKA, Khuli Chana, Beatenberg, en mede Liefde by die Dam act, Majozi.

Tresor-@-Liefde-By-Die-Dam-2017 Resensie: Liefde By Die Dam 2017

Die groot rede hoekom die jonges uitgekom het vir die dag, was oomblikke weg. ‘n Chant het uit die crowd uit begin: “Francois! Francois”. Hy het geen bekendstelling nodig nie, maar tog het Jacaranda FM omroeper, Barney Simon, hom voorgestel: the one, the only, Francois van Coke. Dit was nie lank in sy set in nie toe die skoene begin vlieg het. Plakkies, pumps, tekkies, als was na Francois en Die Gevaar gegooi.

Francois-Van-Coke-@-Liefde-By-Die-Dam Resensie: Liefde By Die Dam 2017

Dit het gevoel asof nie een van ons deel was van die Joburg kids se inside joke nie. Maar Francois het dit goed hanteer, ‘n plakkie of twee geruik, en weer terug in die crowd in gegooi. Hunter Kennedy het ‘n appearance op stage gemaak vir “Ek Skyn(Heilig)”. Francois het soos oudergewoonte gecrowd-surf. Die klein laaitjie langs my het vreesbevange gelyk, maar hyt oorleef (sien jou eendag by Oppikoppi, seun).

Francois-Van-Coke-@-Liefde-By-Die-Dam-2-600x400 Resensie: Liefde By Die Dam 2017

Francois-Van-Coke-@-Liefde-By-Die-Dam-1-600x400 Resensie: Liefde By Die Dam 2017

Die dag was nog nie om nie. Met die son wat sak oor die dam, het Die Heuwels Fantasties die dag afgesluit met bekende liedjies soos “Leja” en “Pille vir Kersfees”, en nuwer songs soos “Bietjie Hoop”. Die musiekvideo vir die laasgenoemde is laas week bekend gestel ter ere aan SA se boere.

Die-Heuwels-Fantasties-@-Liefde-By-Die-Dam-2017 Resensie: Liefde By Die Dam 2017

Dankie tog vir sonblok. Soos ons Liefde by die Dam verlaat het, het ek die rooi strepe op talle mense gesien. Dit was ‘n prettige dag uit. Baie dankie aan Jacaranda FM wat al ons gunstelinge, en ‘n nuwe gesig of twee uitgebring het om ons te vermaak.

Wees op die uitkyk vir gereelde opdaterings in the Music en Opinion kategoriëe op Running Wolf’s Rant.

Do you like what you're reading on Running Wolf's Rant? Join Our Cub House on Facebook!

Want to write for us? Click here to find how you can become part of the Wolf Pack!