Kom saam met ons vir `n bietjie bos vanaf die 5de tot die 7de Augustus 2022! Dis gaan ‘n massiewe naweek wees in die ooptes van die lieflike bosveld plaas Marakeli (naby Thabazimbi in die Limpopo provinsie).
Dis vir almal `n lekker tyd om weer uit te kan gaan en daar is vele musiek-konserte en feeste om van te kies. Bietjie Bos Fees is vir dié van julle wat graag in die bosveld wil kuier, met heeldag musiek en vermaak vir oud en jonk. Sorgeloos! Dis hoe `n fees moet wees!
Van die beste en mees geliefde Suid-Afrikaanse kunstenaars gaan die verhoog deel by die Bietjie Bos Fees
Kyk net na die line-up (as jy my nie glo nie): Spoegwolf, Early B, The Black Cat Bones, Riaan Benadé, Martin Bester, Straatligkinders, Bernice West, Akkedis, Valiant Swart, Die Melktert Kommissie, Van Pletzen, Zebraman, Saarkie en Danny Smoke.
Die legendariese bosveld musiek-ruiter Valiant Swart is opgewonde hieroor
‘Ek is baie opgewonde oor die Bietjie Bos Fees – dis hoog tyd! Ek was hopeloos te lanklaas in sonnige Thabazimbi se wêreld; ek het nog altyd net baie goeie tye daar gehad. Behalwe vir die lekker fees-atmosfeer, sien ek verskriklik uit daarna om die ander bands te sien en ‘n slag te rock ‘n roll soos in die ‘bad old days’. Elektriese kitare, dromme en yskoue bier – wat meer kan mens vra? Die line-up is kookwater! Sien jou in die mosh pit!”
Bouwer Bosch van Straatligkinders sê dat hulle ook nie kan wag om by Bietjie Bos op te tree nie
“Dis altyd fantasties om in die bosveld te wees en om `n show te doen in die buitelug waar jy nie net jou gunsteling liedjies vir mense kan sing nie, maar dit ook onder die sterre kan doen. Dit is waar natuur en musiek bymekaar kom – en dis twee van die mooiste goed in die wêreld. Ons kan nie wag nie! Feesgangers kan van ons ou classic songs verwag, asook `n paar lekker stoute covers.”
Peach van Pletzen beaam dat dinge net lekker kan raak
“In die bos kan mens raas so hard soos jy wil. En ons gaan RAAS! Verwag al die massive hits, `n KRAG show met fabulous techno glam!”
Die hekke maak Vrydag die 5de Augustus 13h00 oop en daar is baie plek vir jou en jou vriende om behoorlik nes te skop vir die naweek – met nabygeleë kroeë en kosstalletjies vir heel naweek se partytjie.
Kaartjie besonderhede vir die Bietjie Bos Fees
- Kinders onder 3 jaar Gratis Toegang.
- Kinders 3 – 15: R95 per dag kaartjie of R250 naweek kaartjie.
- Early Bird kaartjies vir Volwassenes: R195 per dag of R450 vir die naweek.
- Algemene kaartjies vir wolwassenes: R250 per dag of R500 vir die naweek.
- VIP Kaartjies: R1200 per persoon / R20 000 vir 20 mense: Sluit toegang tot ‘n losie naby verhoog met ‘n privaat kroeg en toilette, asook VIP parkering.
Bring jou eie tent (kampeerplek ingesluit by kaartjie) of besoek bietjiebosfees.com om spesiale tent-opsies te bespreek.
Spesiale Kampeer opsies (vir 2 persone)
- Basiese Tent R1400
- VIP Protea Tent R2400 – met ontbyt.
- Palm Glamping R15 000 – met ontbyt.
Hier is die program vir Bietjie Bos Fees
Vrydag:
15:00 DJ – Scallywag
18:00 Saarkie
19:00 Van Pletzen
20:00 Early B
21:00 Spoegwolf
22:00 Akkedis
23:00 DJ- Justin Vega
Saterdag:
11:00 Die Melktert Kommissie (Accoustic)
12:00 Dagdroom
13:00 Andries Botha
14:00 Zebraman
15:00 Valiant Swart
16:00 Danny Smoke
17:00 Rugby Live Stream SA vs New Zealand
18:00 Martin Bester
19:00 Riaan Benade
20:00 Bernice West
21:00 The Black Cat Bones
22:00 Straatligkinders
Wees op die uitkyk vir gereelde opdaterings in die Music kategorie op Running Wolf’s Rant.