Bos Boogie 2023 het die naweek van die 25ste Augustus gebeur op ‘n plot in die Kameelfontein area (naby Pretoria se Roodeplaat dam) en ek was daar. Dit was die derde keer dat ek myself by hierdie musiekfees bevind het en dit was vet pret gewees.
Hier is my Resensie van Bos Boogie 2023
Ek het so paar goeters gehad om te doen op die Vrydag van die fees, so ek was eers net na 5 uur die middag daar gewees. Ongelukkig het ek so paar kunstenaars gemis, maar ek het bitter vinnig ‘n poging aangewend om op te catch (en ek glo dit was suksesvol op die ou end gewees).
Die eerste band wat ek uitgecheck het was Zion Ruts Family en hulle het die partytjie afgeskop met hulle reggae vibes. Volgende was Walking Down Essex wat ons entertain het met bietjie rock musiek en na hulle was dit tyd vir bietie West Coast Wolves om ons aan die dans te kry voor die rugby begin…
Ja mense, die organiseerders het vir ons ‘n projektor en skerm gereel vir die game teen die All Blacks (wat die Springbokke gemaklik gewen het). Terwyl die rugby aan die gang was het Fourth Son South ons vermaak en na hulle was dit tyd vir die klanke van Amafranx (wat baie van ons weggevoer het na plekke waar ons lanklaas of dalk nog nooit was nie).
Die laaste kunstenaar vir die aand was Pedro Barbosa (wat al vir meer as 20 jaar doenig is in die Suid-Afrikaanse musiek industrie).
Pedro en sy orkes het almal in ‘n nog happier mood gesit en voor jy “Mosambiek” kon sê in Engels, het dit ‘n regte Bos Boogie geword – omtrent almal wat daar was het gedans. Ons het so bietjie laat gekuier die eerste aand – ek dink ek was half drie in die bed gewees.
Dag 2 van Bos Boogie 2023 het begin met ‘n DJ battle tussen die twee Steves. Dit was iets baie cool om te beleef. Dis nie elke dag wat mens voor 10 uur kliphard Rage Against The Machine by ‘n fees hoor nie. Dit was ook lekker om te sien hoe hierdie outjies hulle self geniet. Ek weet nie of hulle troues doen nie, maar as hulle doen, is dit defnitief twee DJs wat jy moet book. Jy sal nie teleurgesteld wees nie.
Die eerste kunstenaar vir die dag op die akoestiese verhoog was Meel Vignetting en haar band. Daarna was dit tyd vir ‘n bietjie Black Heidi (wat my brein gebreek het met hulle awesome vibe), Zadelhoff, Adele (van Saarkie faam) en The Honeymooners wat almal lekker shows gespeel het.
Volgende op die verhoog was Hollow Body (wat nog nooit my teleurgestel het met ‘n vertoning nie), Hulle was die laaste outjies op die acoustic stage gewees. Daarna het die main stage oopgemaak met vertonings deur Jahworx, Oceans of Angels en Swerwer. Al drie bands het solid sets gespeel en die party aan die gang gekry.
Die son het gesak oor die Bosveld by Bos Boogie 2023 en toe was dit vir die party om te begin. Kat & Wolf (een van Chris Chameleon se projekte) het ons ons oortjies laat spits, Cutting Jade het ons ge-transport na Hatfield toe in die 2000s, Radio Kalahari Orkes het ons aan die dans gekry, The Black Cat Bones het ons koppe van ons lywe af gerock en The Fake Leather Blues Band het ons laat dans tot ons moeg is.
Die ouderdom het opgecatch met my en ek was voor 12 in die bed. Iets wat nie sommer met my gebeur by ‘n fees nie… Ek blameer die een shot Cuervo wat ek gehad het.
Die derde dag by Bos Boogie 2023 het vir my begin met ‘n vertoning deur Sarah Jade. Die blou-harige dametjie mag maar sing hoor. Volgende op die line-up was Mony Pony (een van die outjies wat destyds in Soil 7T7 was), Tuin (wat ons ook weggevoer het na ander plekke toe) en Hoot n’ Anny.
Die laaste kunstenaar vir die naweek was Jonathan Peyper gewees en hy het nie teleurgestel nie. Ek moet erken dat dit lekker was om bietjie saam te sing op sy weergawes van The Black Keys se liedjies.
My 2 sente oor Bos Boogie 2023
Bos Boogie is nie die grootste fees in Suid-Afrika nie, maar dis ‘n moerse lekker fees, veral as mens in baie mense vasloop wat jy ‘n ruk laas gesien het. Dit voel soos ‘n vriende en familie braai met ‘n moerse klomp goeie kunstenaars wat jam in die agtergrond. Die vaaib is baie soos Oppikoppi se Paasnaweek feeste se vaaibs was en ek love dit.
Die organiseerders het seker gemaak dat die jaar se fees se kroeg beter hardloop as voriges. Die line-up is ook aangepas om seker te maak dat almal nie hulle self doodbrand voor die main stage deur die dag nie. Altwee hierdie goeters is improvements. Die badkamers was ook baie skoner as laas jaar gewees.
Wel gedaan Jan-Hendrik, Eugene, Steve (en almal wat ook betrokke was by die fees). Hierdie enetjie was een vir die boeke gewees. Ek sien al klaar uit na Bos Boogie 2024 en ek hoop om almal wat hierdie resensie lees daar te sien.
Hou jou ogies oop vir gereelde opdaterings in die Music kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
