Home Entertainment Music Resensie: Francois Van Coke & Vriende 2019

Resensie: Francois Van Coke & Vriende 2019

485
0

Na maande se opwinding en gewag, het die tyd uiteindelik aangebreek vir Francois Van Coke & Vriende 2019. Ek kon ongelukkig nie laas jaar die heel eerste show bywoon nie.

Darem was dit so groot sukses gewees dat Van Coke besluit het om dit weer te doen die jaar. Bekende gesigte en ‘n paar nuwe maatjies is genooi.

Die line-up vir Francois Van Coke & Vriende 2019 is in Junie bekend gemaak, en met vriende soos Fokofpolisiekar, Van Coke Kartel, Jack Parow, Die Heuwels Fantasties, Laudo Liebenberg, Arno Carstens, Early B, Riky Rick, Tasché Burger, Riana Nel en Coenie de Villiers om nie eers almal te noem nie, was daar geen twyfel dat ons sal moet regmaak vir een moerse party nie.

Okay, hier gaat ons…

Ons was al van vroeg middag besig om in die mood te kom vir die aand wat voorlê. Die DJ duo, #SOZLOL, het ons almal in die party mood gekry. Dit het wel begin lyk of daar ‘n storm oppad was in Pretoria, maar die enige storm wat wel uitgebreek het, was die een op stage.

Francois Van Coke & Vriende 2019 het afgeskop met ‘n rustige, akoestiese weergawe van “Komma”. Dit was eintlik die perfekte begin tot wat ‘n befokte aand sou word. Die song was chilled out, maar die tempo het vinnig begin optel. Dit het begin met die verskyning van Die Gevaar, wat die Sun Arena aan die skree gekry het met “Behoort Aan Niemand Nie”.

Van Coke se nuwe album was nog net ‘n paar uur uit, maar tog kon mens hoor hoe mense in die crowd al saam begin sing met “Ek Probleem” (ek mag heel moontlik ook een van daardie mense gewees het).

Francois Van Coke & Vriende 2019
  • Save

Ons was weer terug by rustiger vibes met Laudo Liebenberg van aKING se smeulende, diep stem wat “Die Skip” saam met Van Coke mooi komplimenteer. Obviously was een song saam met Laudo nie genoeg nie, en ons kon darem ons arms rond swaai op “Spaar My Asseblief”.

Die oomblik wat Jack Parow op die stage verskyn het, het die crowd behoorlik uitgefok. Way back toe ek nog in die hoërskool was, was Die Heuwels Fantasties se “Die Vraagstuk” my introduction gewees aan Jack Parow. Dit was nogal amazing om weer die song te hoor, geestelik terug te gaan na makliker tye en te vergaan in nostalgie.

Dis nie gereeld dat mens “Neonlig” by live shows hoor nie

Dit bly een van my gunstelling songs vanaf Van Coke se eerste solo album. Die feit dat Die Heuwels by was het dit net soveel meer special gemaak.

Na twee redelike somber songs was dit weer tyd om die tempo aan die gang te kry. Die Heuwels was klaar op stage, so wat beter as “Ek Lewe, Ek Belowe” om almal weer aan die spring te kry.

Die Heuwels Fantasties - FVC & Vriende
  • Save

Francois van Coke het so ‘n jaar terug ‘n speletjies program op kykNET gehad (nie dat iemand ooit regtig iets gewen het nie). Maar een van die hoogtepunte van die program was dat Van Coke, saam met sy band Die Gevaar, klassieke Afrikaanse songs gecover het. Een van hierdie covers was “Liefling”. Wat sou die aand wees sonder die onvergeetlike song, en dit was beter gemaak deur Riana Nel wat haar ongelooflike stem by geleen het.

Mens kan nie van klassieke Afrikaanse songs praat en nie Coenie de Villiers se “Hillbrow” noem nie

Die duet tussen Coenie en Van Coke was baie spesiaal gewees, alhoewel dit voor gekom het asof die jonger klomp in die crowd dit nie vreeslik baie waardeer het nie.

Van Coke Kartel het twee jaar terug besluit ‘tot hier toe en nie verder’ and called it a day. Maar baie van die songs wat hul release het bly goud en mens kan nie help om dit elke nou-en-dan weer te wil hoor nie.

Van Coke Kartel - FVC & Vriende
  • Save

As so baie van die members reeds by dieselfde show is, kan hul mos net sowel bietjie ‘n mini reunion daarvan maak, of hoe? Ons moes die trane probeer weghou met “Tot Die Son Uitkom”, en net keer dat ons nie ons nekke in spasmas in ruk op “Môregloed” nie.

Nadat Tasché Burger The Voice South Africa gewen het saam met Francois van Coke as haar mentor, was sy ‘n bekende gesig by van Van Coke se shows. Die eerste keer wat ek haar gesien het was by Pretoria se Liefde by die Dam in Augustus 2019. Haar akoestiese cover van “Lisa se Klavier”, saam met Richard Onraet op die guitar, gee mens hoendervleis. Dit was die perfekte song na ‘n epic, maar kort, Van Coke Kartel set.

Tasche Burger
  • Save

Dit lyk my as jy vriende wil maak moet jy net as a coach op The Voice South Africa verskyn, want na die afgelope seisoen het Van Coke sommer 3 nuwe vriende na die verhoog genooi. Hy en mede-coach, Riky Rick het sommer ook collaborate op ‘n nuwe song vir Dagdrome in Suburbia. “Not Like Them” bring so ‘n lekker hip-hop feel tot die album, dit blend net mooi in met die rock vibe.

Van al die Vriende wat deel was van die show, het ek amper die meeste uitgesien na Riky Rick

Nadat ek hom vir die eerste keer live gesien het by Post Malone, het ek gedink dat hy ‘n epic addition tot die Van Coke en Vriende Show sal wees, en gelukkig het Francois my mind gelees. (En baie dankie vir die random ou op wie se skouers ek vir so rukkie kon wees vir die song, jy was cool dude.)

Van al Francois van Coke en Die Gevaar se songs, is daar min wat die mense so hard maak saam skree soos “Dit Raak Beter” (wel, tot “Dagdrome in Surburbia” uitgekom het). En op die aand was dit nie veel anders nie, die jong klomp love die song. Ek wag wel steeds vir dit om beter te word though…

In die paar uur wat Dagdrome in Surburbia al uit was, het ek dit menige male deur geluister. Ek moes myself voorberei vir die aand. Behalwe vir die album wat release is, is die musiek video vir  “Daarsy Boys” ook vrygestel vroeër die dag.

Ek het verwag dat meer mense al woord vir woord sal saam skree (ek was reg daarvoor), toe nou nie. Maar ek is redelik seker oor ‘n paar shows sal dit ‘n song wees wat baie sal feature.

Daar genoegsame song opsies gewees vir Francois van Coke om van te kies

Ek meen sy 3 solo albums het redelik baie bangers wat gemaklik deel kan vorm van enige setlist. Hierdie was bietjie ‘n throwback na sy debut album toe. Ons het “Waar Daar ‘n Wil Is” en “Ek Weet Nie” saam met Arno Carstens gehoor.

Vandat ek kan onthou was ek mal oor Springbok Nude Girls. Ek mag dalk selfs ‘n massive crush gehad het op Arno Carstens (of dalk nogsteeds het, maar shh). Dis min genoeg dat mens Arno hier rond sien optree, so elke keer as hy hier is, is dit nogal baie special. “Blue Eyes” mag dalk net een van Springbok Nude Girls se mees bekende songs wees van die laat 99’s, en dit bly ‘n epic song. “Blue Eyes” was hands down my persoonlike gunsteling gedeelte van die aand.

Aangesien “Blue Eyes” die tempo ietwat af gebring het, was daar nie ‘n beter opsie om dit op te volg mee as “Altyd Lief Vir Jou” met Mister Early B homself nie.

Hoe weet jy as ‘n party nou eers regtog befok gaan raak? Jy sit Francois van Coke en Jack Parow langs mekaar. Dit was vanselfsprekend dat die hele Sun Arena gaan uitfok met “Hard Partytjie Hou” en nog meer so met “Dans, Dans, Dans”. Throw in a couple of stage dives en die party is hard aan die pomp.

Hoe kan mens daai twee bangers top?

Natuurlik net met Early B én Jack Parow wat ons almal aan die skud gehou het met “Potte”. Hierdie twee se energie was net heeltemal te infectious. Mens kon nie help om saam jou potte te skud en selfs so bietjie te twerk nie.

Van Potte na die Platteland. Dit was tyd om die groot manne op stage te bring, en jy kry nie grooter as Fokofpolisiekar nie. The sounds of our growing up. Dit was seker so moeilik gewees om die Fokof songs te gekies het wat wel gefeature het op die aand, maar wat is ‘n Fokof set sonder “Hemel Op Die Platteland” en “Ek Skyn (heilig)”? Na 16 jaar sou mens dink dat hul al oor dit sou wees, maar met elke show bring die manne net die al hoe meer energie. Ware Afrikaanse Legends dié.

So 10 jaar terug het Die Heuwels Fantasties so ‘n klein liedjie uitgebring…

Dit was “Leja” (please note the sarcasm op ‘klein liedjie’). Ek kan nie aan ‘n Heuwels set dink sonder die iconic song nie. Ek is seker elke persoon het hul eie memories op daai song. Dis nogal epic om saam met soveel mense in ‘n arena te staan wat elkeen terug gevat word na daai memories toe, en tog net saam sing en als net saam beleef.

Dit was nogal hartseer dat Karen Zoid nie hierdie jaar by kon wees om saam met Van Coke die treffer, “Toe Vind Ek Jou”, te doen nie. Tasché mag dalk groot skoene gehad het om vol te staan, maar het sy hulle vol gestaan! Tasché mag maar enige tyd ons weer kom vind met daai duet.

Al was dit die Francois van Coke en Vriende Show, was dit tog ook die launch party van Van Coke se derde solo album. “Dagdrome In Suburbia” (die titelsnit op die nuwe album) is vrygestel by Liefde by die Dam in Augustus. Net twee maande na die release het dit nommer 1 op menigte radio stasies en streaming services bereik.

Danie du Toit van Spoegwolf was immers een van die Vriende. Op die stadium het ons het hom nog nie met ‘n oog gewaar nie. Daar is geen ander song wat die aand kon afsluit as “Dagdrome in Suburbia” nie. Dit was soos die juicy cherry op ‘n reeds amazing koek (skoon gedagtes asseblief).

Francois van Coke & Vriende 2019 was befok!

Almal wat betrokke was by die show het weereens ‘n groot sukses gemaak van dit! Baie dankie! Julle het vir ons ‘n amazing produksie gebring. Ek weet nou rêrig nie wat ek met myself gaan doen tot Francois Van Coke en Vriende 2020 nie?

Hoe was jou ervaring van Francois Van Coke & Vriende 2019? Los kommentaar hier onder en vertel my.

Wees op die uitkyk vir gereelde opdaterings in die Music kategorie op Running Wolf’s Rant.

Fotos in hierdie artikel is geneem deur Henry Engelbrecht.

Want to know who our friends are? Click here

Need to kill some time? Read a random article on RWR! Click here

Click here to explore all the sections on Running Wolf's Rant

Click here to read our latest reviews on Running Wolf's Rant

Click here to listen to Matt Haddon's Corporate Punks Podcast

Loading...

LEAVE A REPLY

Please enter your comment!
Please enter your name here