Die Suid-Afrikaanse rock-ikoon Francois van Coke het groot planne vir 2026. Hy beplan om oor die loop van die jaar vier nuwe enkelsnitte vry te stel, en die eerste skoot in die oorgat is die kragtige nuwe liedjie, “Nagmerries (Bye bye baby).”
Francois van Coke vertel die storie agter “Nagmerries (Bye bye baby)”
“Ek het ’n herhalende nagmerrie wat my gereeld terug vat na ’n ongemaklike tyd in my lewe. Ek probeer met hierdie song daardie tyd en nagmerrie groet. Ek het hom nog nie gehad na die song geskryf is nie, so dit werk dalk.”
“Die song is ook geskryf in die era van die geboorte van Afrikaanse KI kunstenaars, so ek moes ons (die mens) se obsessie met tegnologie ook probeer ontleed in van die lirieke.”
“Die koorgedeelte is beïnvloed deur twee uiteenlopende bands, Violent Femmes – wat ek al jare lank luister en Ghost – ’n onlangs gunsteling. Die song is geskryf saam met een van my ou medewerkers, Fred den Hartog.”
‘n Visuele Reis na ‘n Droomwêreld
Die musiekvideo vir “Nagmerries (Bye bye baby)” merk die eerste samewerking tussen Francois en die visuele kunstenaar Jacques van Rensburg (Vanartist).
Die video probeer daardie frustrerende gevoel vasvang wat mens net in ‘n droom kry – soos wanneer jy probeer veg maar nie jou teiken kan tref nie, of wanneer tyd agteruit begin beweeg.
Hierdie visuele uitbeelding komplementeer die donkerder ondertone van die musiek perfek. Francois verduidelik dat dit gaan oor daardie magtelose gevoel wanneer jou hande nie wil saamwerk terwyl jy probeer om iets te skep nie.
Kyk die musiekvideo hier onder:
Hierdie eerste Francois van Coke vrystelling stel ‘n hoë standaard vir die res van die reeks wat in 2026 verwag word.
Maak seker jy voeg hierdie nuwe liedjie by jou speellys! Stroom dit HIER.
Met “Nagmerries (Bye bye baby)” bewys Francois van Coke weereens waarom hy steeds aan die voorpunt van die Afrikaanse rock-toneel staan.
Hou jou ogies oop vir gereelde opdaterings in die Music Videos kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
