Die man-en-vrou-sangpaar Ricus Nel en Liza Nel het vir die eerste keer kragte saamgespan om ‘n gesamentlike enkelsnit getiteld “Ek Het Nie” bekend te stel.
Die vrystelling is veel meer as net ‘n nuwe enkelsnit; dit is ‘n eerlike en emosionele verhaal wat handel oor liefde, verlies, verwerping en die genesing wat mettertyd kom.
Die liedjie is deur Liza Nel self geskryf en spruit uit ‘n baie persoonlike plek wat eens te seer was om oor te praat. Dit vertel die verhaal van iemand wat geliefd en nodig was, maar wat uiteindelik gekies het om weg te stap.
Die paartjie verduidelik dat soos wat tyd verbygaan, daar egter ruimte vir vergifnis en genesing ontstaan, wat dit makliker maak om vorentoe te beweeg en die emosies in musiek om te sit.
Ricus en Liza Nel het ‘n Universele Boodskap
Hoewel die enkelsnit uit ‘n spesifieke ervaring gebore is, dra dit ‘n universele boodskap wat aanklank sal vind by enigiemand wat al die teleurstelling van ‘n gebroke verhouding, ‘n verbrokkelde vriendskap of die verlies van ‘n familielid beleef het.
Die meegaande musiekvideo is doelbewus eenvoudig gehou sodat die raak emosie en die boodskap van die liedjie op die voorgrond kan bly, met die hoop dat luisteraars troos en herkenning in die musiek sal vind.
Kyk die video hier onder:
Jy kan die liedjie HIER stroom/aflaai.
Hou jou ogies oop vir gereelde opdaterings in die Music Videos kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
