Appel en Ichnus het kragte saamgespan vir ‘n nuwe energieke en humoristiese kuierliedjie getiteld “Jy Sallie”. Die enkelsnit vier die stoutigheid, kameraadskap en soms twyfelagtige besluite wat tussen goeie vriende geneem word op ‘n eg Suid-Afrikaanse manier.
Die liedjie begin met ‘n bekende scenario ná ‘n lang werksweek: die plan is eenvoudig om net gou een drankie saam met die manne te geniet.
Maar voor jy jou oë uitvee, word een dop twee, twee word drie, en skielik is dit lank ná middernag met nóg ‘n wilde plan op die tafel.
Appel verduidelik dat niemand beplan dat ‘n kuier so handuit ruk nie, maar dat dit altyd begin met daardie een vriend wat met ‘n nuwe idee vorendag kom om die aand te verleng.
Met skerp humor en ‘n aansteeklike koor vang “Jy Sallie” daardie oomblik vas waar gesonde verstand jou probeer waarsku, maar jou lojaliteit teenoor jou pel die oorhand kry.
Soos enige goeie kuierstorie bevat die liedjie ook ‘n kinkel wanneer die manne se planne groter word en iemand anders uiteindelik die laaste sê het.
Appel en Ichnus se liedjies is ‘n Treffer vir die Braaivleisvuur
Vir Appel en Ichnus gaan die enkelsnit oor meer as net ‘n nag op die dorp; dit vier die vriendskappe, spontane oomblikke en snaakse herinneringe wat ‘n mens jou lewe lank bybly.
Met sy stewige ritme en herkenbare tema beloof “Jy Sallie” om ‘n vaste gunsteling by braaivleisvure en kuierplekke regoor die land te word.
Kyk die musiekvideo vir “Jy Sallie?” hier onder:
Jy kan die liedjie HIER stroom/aflaai
Hou jou ogies oop vir gereelde opdaterings in die Music Videos kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
