Great Scott! Francois van Coke het ‘n splinternuwe enkelsnit uitgereik! “Bangkinders”is ‘n punk anthem wat hom herverbind met die rou energie van sy vroeë invloede. Die mannetjie het immersgrootgeword op punk musiek.
Die ander skrywers op “Bangkinners” is Die Gevaar se twee kitaarspelers, Richard Onraet en Kyle Botha. Hulle druk die punk-vibe in vyfde rat met hul polsende kitaarspel terwyl die lirieke mik na die absurditeite van die moderne lewe.
In die musiekvideo vir “Bangkinders” speel Francois die rol van Merwe
In geval jy gewonder het, Merwe is ‘n oorgretige winkelsentrum-sekuriteitswag wat dit op homself neem om die wêreld se probleme te probeer oplos EN sy ma het nie bang kinders grootgemaak nie.
“In teenstelling met die song se lirike, was dit pret om soos ‘n idioot tekere te gaan in ‘n leë winkelsentrum in die middel van die nag.” vertel Francois van Coke.
Kyk die video vir die liedjie hier onder:
Ek wil nou nie hoes, poep of skinder nie, maar Merwe het ‘n naais Nissan Skyline hoor #SeMaarNet
Die musiekvideo vir “Bangkinders” is gemaak Eric T. Graham van ETG Creative.
Nog 2 Francois van Coke tunes is oppad later in die jaar. Op 28 Augustus word “Lewe” (wat Francois saam met Zaan Sonnekus opgeneem het) uitgereik en op 24 September word “Aksie braai” (wat Francois saam met Hunter Kennedy opgeneem het) uitgereik.
Jy kan Francois se nuutste enkelsnit HIER stroom/aflaai.
Meer inligting oor Francois van Coke
Francois van Coke is ‘n ikoniese Suid-Afrikaanse rock-sanger, liedjieskrywer en frontman van die legendariese alternatiewe rockgroep Fokofpolisiekar. Hy is wyd erken as een van die invloedrykste figure in die moderne Afrikaanse musieklandskap.
Hou jou ogies oop vir gereelde opdaterings in die Music Videos kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
