Aanhangers van die groep Glaskas was die afgelope paar maande ekstaties om weer gereeld optredes van die groep by te woon.
En nou het die groep ook hul getroue volgelinge verras met die vrystelling van ’n splinternuwe enkelsnit, “As Ek Weet Hoe”. Dit is slegs die groep se tweede enkelsnit in die laaste 13 jaar, en volg op die vrystelling van “Die Lig” in 2023.
Wat is nuus uit Glaskas land?
Glaskas – wat vandag bestaan uit Deon Meiring (stem, kitaar en bekfluitjie), Lolke-Louis Claassen (stem en dromme), Johan Viljoen (stem en baskitaar) en Francois Kleynhans (stem en kitaar) – werk al vir ’n hele paar jaar aan nuwe musiek wanneer daar tussen almal se besige skedules ’n opening opduik.
Toe daar in Januarie vanjaar ’n opening is by Johan se studio, het voorman Deon Meiring die kans aangegryp om ’n paar nuwe liedjies vir die groep klaar te maak.
“Ek het ‘As Ek Weet Hoe’ in Januarie vanjaar geskryf. Daar’s iets van die dryf van ’n nuwe jaar wat my altyd senuweeagtig maak – is ek opgewasse vir al my drome? Weet ek selfs hoe om te doen wat ek graag wil doen? Ek het ‘One Piece’ onlangs ontdek danksy die live action weergawe op Netflix.” sê Deon Meiring.
“Die hoofkarakter se geesdrif is vir my aangrypend en hoe hy volgens ons gewone prentjie van ’n seerower eintlik aweregs is. Ek hou al vir lank van seerowers en wat ons by hulle kan leer om die gewone stand van sake te bevraagteken. So dit het my geïnspireer om iets van hierdie temas te gebruik om myself bietjie te motiveer en te stoei met my seemonsters.” vertel Meiring.
Met ’n sterk melodie, groot energie en lirieke met verskillende lae van betekenis, sal ou en nuwe aanhangers baie gou die pop-punk aanbieding herken as Glaskas.
“As Ek Weet Hoe” bevat ook ’n selfondersoekende tema – iets waarvoor Glaskas se lirieke veral bekend is. Met die drie oorspronklike lede van die groep sowel as Johan as vierde lid en vervaardiger, weerspieël hul nuwe musiek nie net hul jare se ervaring nie, maar ook ’n goeie aanvoeling vir mekaar se kreatiwiteit.
Buitendien om die groep meer op die verhoog te sien waar hulle na al die jare nogsteeds die meeste tuis voel, kan aanhangers ook uitsien na vele meer verrassings van Glaskas in 2025.
“Daar is reeds nog ’n paar enkelsnitte wat in die ry staan om uit te kom en ook ’n video of twee wat beplan word. Ons het nog ’n groot droom of drie, maar sal eers meer daaroor kan sê as ons die planne mooi in plek het daarvoor.” sê Deon.
Jy kan “As Ek Weet Hoe” HIER stroom/aflaai.
Hou jou ogies oop vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
