Ná die suksesvolle bekendstelling van die nuwe dokumentêr “Jan Bloukaas – Vir Oulaas” op YouTube op Woensdag 7 Oktober 2026, stroom die roerende reaksies van aanhangers in.
Die rou en eerlike kykie in die lewe van Jean du Plessis (beter bekend as Jan Bloukaas) het alreeds duisende kykers diep geraak en tot trane gelei, met die kykerstal wat binne slegs ‘n dag en ‘n half reeds die 26 000-merk oorskry het.
Jean du Plessis het die musiek- en videovervaardiger Deon Dee gevra om ‘n dokumentêr oor sy lewe te skep. Waar die kykNET-dokumentêr “Net Mens”, wat saam met Rynardt Hugo vervaardig is, gehandel het oor Jean se lewe van sy geboorte af tot net voor die skep van sy laaste album God Kan, fokus “Jan Bloukaas – Vir Oulaas” op die agter-die-skerms-proses van daardie spesifieke album.
Dit belig ook sy 25ste verjaarsdag en bevat intieme gesprekke met sy vriende en medekunstenaars, insluitend Peach van Pletzen, Karlien van Jaarsveld, Janie Bay en vele meer.
‘n Boodskap van die Regisseur
Die regisseur en vervaardiger Deon Dee het sy dankbaarheid uitgespreek oor die projek en hoop dat mense die diepte van Jean se menswees deur die dokumentêr kan raaksien.
Hy beklemtoon dat die doel was om mense die album God Kan met nuwe ore te laat beleef, presies soos wat Jean dit self geoogmerk het sodat sy verhaal soveel moontlik mense kan bereik.
Kyk die dokumentêr hier onder:
As jy eerder op YouTube will kyk, klik hier.
Meer inligting oor Jan Bloukaas
Jean du Plessis, beter bekend onder sy verhoognaam Jan Bloukaas, was ‘n geliefde Suid-Afrikaanse kletsrepper, sanger en liedjieskrywer wat bekendheid verwerf het met sy unieke, eerlike lirieke en verfrissende benadering tot Afrikaanse musiek.
Hy het as tienersensasie op die musiektoneel verskyn met treffers soos “Kykskoot” en “Kallie”, en het vinnig ‘n huishoudelike naam geword.
Ondanks sy dapper stryd teen kanker op ‘n baie jong ouderdom, het hy volhard om inspirerende en diepsinnige musiek te skep wat ‘n blywende impak op sy aanhangers en die Suid-Afrikaanse musiekbedryf gelos het.
Hou jou ogies oop vir gereeld opdaterings in die Music News kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
