Sonder enige groot opbou het Jack Parow op Vrydag, 8 Augustus, sy nuwe musikale bom, “Dis DDP,” vrygestel. Net drie dae later, op 11 Augustus, het hy op ’n vlug na Chicago geklim om sy vriend, Dricus “Stillknocks” du Plessis (die UFC-middelgewigkampioen) persoonlik te gaan ondersteun.
Die kragtige rap-anthem is opgedra aan ons eie kampioen, ook bekend as DDP, in aanloop tot sy titelveg teen Khamzat Chimaev in Chicago op Sondag, 17 Augustus. Jack Parow het die energieke treffer saam met sy vriend Loki Rothman geskryf.
“Ek is so opgewonde oor hierdie fight en om vir die eerste keer ’n UFC-geveg by te woon saam met ons champ, Dricus du Plessis, wat sy titel gaan verdedig. Dit gaan ’n massiewe fight wees. Ek het só opgewonde geraak dat ek en Loki Rothman besluit het om ’n song te maak!” sê Jack Parow.
Jy kan die liedjie HIER stroom/aflaai.
Meer inligting oor Jack Parow
Jack Parow is ’n baanbrekende Suid-Afrikaanse rapper en popkultuur-ikoon, bekend vir sy onverskonende omarming van “zef”-kultuur en sy kenmerkende langklep-pet.
Oor die jare het hy een van die mees herkenbare figure in Afrikaanse musiek geword. Hy is alreeds bekend vir sy energieke optredes, skerp humorsin en grensverskuiwende lirieke.
Hou jou ogies oop vir gereelde opdaterings in die Music News kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
