Vrydag die 1ste September 2023 was die vrystellingsdatum van ’n splinternuwe radio enkelsnit deur Kabaal Klankbaan, genaamd “Stapelgek”. Die groep, breinkind van Floris Groenewalt, se vierde vollengte album sal in November 2023 die lig sien.
“Stapelgek” is vermaaklik en tong-in-die-kies, en Kabaal Klankbaan se weergawe bied ’n voorskou van alles wat op die album vir aanhangers wag. Vir Floris was dit die geleentheid om ‘n redelik radikale nuwe interpretasie van ‘n bestaande liedjie te doen, en dus sy eie vingerafdruk neer te lê.
Alhoewel die oorspronklike weergawe ’n skouspelagtige ruggraat het, het Floris besluit om juis op daardie deel te fokus: Die karakter en storielyn van die liedjie kom eerste, gevolg deur ’n donker aura met ‘n rock-’n-roll aanslag.
Floris (Kabaal Klankbaan) vertel ons meer oor “Stapelgek”
“Die oorspronklike liedjie vertel ‘n Phantom of the Opera-geïnspireerde storie oor obsessie vanuit die oogpunt van ‘n voyeur of afloerder, wat verbloem word as ‘n vrolike pop-liefdesliedjie. Ek het besluit om dieselfde storie met ‘n hart-op-die-mou eerlikheid te benader, waar jy vanuit die staanspoor besef dat die storieverteller dalk ‘n vreesaanjaende afloerder of ‘stalker’ met ‘n ongesonde obsessie is…”
‘n Pret-dog-onheilspellende, opgewekte electro-pop enkelsnit oor obsessie bied ’n nuwe blik op ‘n bestaande liedjie, en ‘n voyeuristiese 4 minute in die skoene van ‘n kriewelrige afloerder-karakter.
Floris (Kabaal Klankbaan) gee nog insig
“Daar is ‘n paar liedjies (soos byvoorbeeld The Police se Every Breath You Take) wat op die oppervlak mooi, aangenaam. en romanties is, maar as jy mooi na die lirieke gaan kyk besef jy dis eintlik ‘n redelike ongemaklike, ongepoetste storie oor iets sinister. My idee was bloot om hierdie liedjie (wat in dieselfde kategorie val) te herinterpreteer, die onheilspellendheid na vore te bring, en nie agter die romantiek van pop-klanke te skuil nie.”
Kabaal Klankbaan se vierde album, Ek’s Steeds Onstabiel sal vanjaar op 17 November vrygestel word. Dit kom na die vrystelling van die groep se dubbele EP, ‘Ek en jy (is lank reeds verby) / Hunted Women’ in 2021.
Aanhangers kan ook ’n nuwe liedjie, “Stagefright” op alle musiek platforms luister as ’n voorsmaak van die album. Hierdie projek word moontlik gemaak deur SAMRO se Music Creation Support Fund 2023.
Hou jou ogies oop vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
