Sanger, liedjieskrywer en kunstenaar Lucinda is reeds sedert die ouderdom van 16 bekend as hoofsanger van die Afrikaanse groep, Die Melktert Kommissie. In 2019 het sy saam met Bouwer Bosch ’n EP vrygestel, getitled ‘Waar Die See Die Kus Omhels’, en in 2020 haar eerste solo enkelsnit genaamd ‘Weerloos’.
Julie 2021 sien haar eerste solo album Uitgeskryf die lig na die vrystelling van die eerste enkelsnit vanaf die album, naamlik “Ons Is Ons” (saam met John-Henry Opperman van Klopjag) in Junie vanjaar.
Meeste van die liedjies op Uitgeskryf is tussen 2019 en 2020 neer gepen, behalwe ‘Engele Kom’ wat in 2016 geskryf is. Lucinda het saam met Wesley van der Westhuizen die album vervaardig; ’n bewuste besluit omdat dit vir haar belangrik was om van die begin tot die einde deel van die skeppingsproses te wees. Die album is tussen Februarie en Mei 2021 opgeneem.
Lucinda vertel ons meer
“Ek skryf veral in emosioneel moeilike en uitdagende tye. Musiek gee woorde aan dit wat in jou binneste borrel, sonder om dit met enige iemand te bespreek. Die ironie is dat mens dit dan later weer deel met almal. Ek hou van die idee daarvan. Dit help my genees, en na genesing kan mens dit weg gee en moontlik ander help wat met dieselfde dinge worstel.”
Uitgeskryf bied aan aanhangers ’n eerlike blik op wie Lucinda vandag is met ’n mengsel van sagte en opgewekte musiek en persoonlike lirieke. Met ‘introspeksie’ as die hooftema van die album, het Lucinda die afgelope twee jaar alles wat sy in haarself ondersoek het, neergeskryf in gedigte of stories of liedjies. Skryf skep afstand tussen jou gedagtes en dit wat jou pla, en uit sinne kom sin, en dan vir Lucinda, sing.
Lucinda vertel ons hoe sy liedjies geskryf het vir Uitgeskryf
“Daar is verskeie stadiums in mens se lewe waar jy nie anders kan as om na binne te kyk nie. Ek voel as die tyd kom kan dit ‘n groot geskenk wees – dis belangrik om jouself te leer ken. Hoe meer intiem mens kan skryf, hoe meer universeel word jou musiek. Almal kry seer en almal sukkel en almal steek dinge weg en almal hoop en droom. Ek het al die seer en deurmekaar dinge uitgeskryf.”
Jy kan Uitgeskryf HIER aflaai / stroom.
Wees op die uitkyk vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
