Nicholis Louw is terug en gereed om die dansvloer aan die brand te steek met sy splinternuwe, opgewekte enkelsnit, “Bokkie”.
Hierdie goedvoel-liedjie kombineer ‘n persoonlike liefdesverhaal met ‘n aansteeklike sokkie-ritme wat luisteraars dadelik op hul voete sal kry.
Die Inspirasie Agter Nicholis Louw se Nuutste Treffer
Die hart van die liedjie is niemand anders nie as Nicholis Louw se eie vrou. Sy is die spontane, avontuurlustige en kinderlike inspirasie waarna hy verwys.
Hy beskryf haar as iemand wat altyd gereed is vir aksie en wat nie lank hoef te wag voordat sy die dansvloer oorneem nie.
Hoewel sy die ware kampioen op die vloer is, erken Nicholis laggend dat hy self maar “hinke-pinke” dans en net hoop hy trap nie op haar tone nie!
‘n “Proper” Suid-Afrikaanse Kuier
Die snit vang daardie bekende Suid-Afrikaanse saamkuier-gevoel perfek vas, of dit nou op ‘n stowwerige meelvloer in ‘n skuur of om ‘n kampvuur op die strand is.
Die liedjie begin selfs met ‘n uitdrukking wat eie is aan Nicholis: “O, die vet weet,” wat dit dadelik ‘n outentieke, persoonlike stempel gee. Die term “Bokkie” is bowendien een van die land se mees algemene troetelname, wat beteken elkeen kan hul eie geliefde in die storie herken.
Soos Nicholis Louw dit sing: “My Bokkie, oe sy kan sokkie”
Kyk die musiekvideo vir “Bokkie” hier onder:
Hou jou ogies oop vir gereelde opdaterings in the Music Videos kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
