Theuns Jordaan Tribute: Kry jou kaartjies vir Kaapstad 2024

Die grootskaalse Theuns Jordaan Tribute-Konsert wat vroeër vanjaar op Loftus Versfeld aangebied was, het die room van Suid-Afrika se kunstenaars voor ‘n skare van meer as 20 000 toeskouers byeengebring, om in ‘n wêreldklas produksie hulde te bring aan die ikoniese Theuns Jordaan.

Na ‘n vloedgolf van versoeke aan die organiseerders, is daar nou goeie nuus vir Kapenaars: Die Theuns Jordaan Tribute-Konsert word vroeg in 2024, op Saterdag 6 Januarie vanaf 19h00 by DHL Stadion in Kaapstad aangebied.

Die vyftien top Afrikaanse kunstenaars wat by die Pretoria konsert opgetree het, sal ook in Kaapstad op die verhoog wees om Theuns se liedjies te laat herleef in ‘n uitnemende grootskaalse produksie.

Konsertgangers kan uitsien na vertonings deur Steve Hofmeyr, Juanita du Plessis, Kurt Darren, Ray Dylan, Dozi, Bobby van Jaarsveld, Karlien van Jaarsveld, Ricus Nel, Jay du Plessis, Bok van Blerk, Danny Smoke, Liezel Pieters, Lianie May, Jacques du Plessis en Gerhard Steyn.

Die Theuns Jordaan Tribute se konsertorganiseerder, Sonett de Villiers vertel ons meer

“Die Loftus-konsert was ‘n groot viering van Theuns se lewe en musiek. Die konsert het almal se verwagtinge oortref. Dit was een van die mooiste en grootste gebeurtenisse in Afrikaanse musiek nog. Dit was verseker ‘n enig-in-sy soort musikale belewenis en spreek boekdele vir Theuns se nalatenskap sowel as van die kunstenaars, produksiespan en kreatiewe leierskap wat passievol te werk gegaan het.”

“Dit was ‘n enorme projek en ons het nie voorsien om dit weer te doen nie, maar sedert die Loftus-konsert, hou Kapenaars aan met vra dat die konsert ook in Kaapstad aangebied word. Ons het navorsing gedoen en agtergekom dat daar weinig Kapenaars by die Loftus-konsert teenwoordig was.”

“Ons voel verplig om iets vir Theuns se Kaapse aanhangers te bied, omdat hulle aanhou vra. Daar het baie werk, tyd en kreatiwiteit in die produksie ingegaan en dit het ‘n besonderse vertolking van Theuns se musiek opgelewer. Ons sien uit om dit met net soveel passie by die DHL Stadion aan te bied.”

Die Theuns Jordaan Tribute laat Theuns se liedjies herleef in ‘n reuse produksie wat deur gesoute vervaardigers Andries Pieterse, Deedee Oosthuizen en Floors Oosthuizen behartig word, in samewerking met Theuns se jarelange vriend Jacques du Plessis.

Hier is die program vir die Theuns Jordaan Tribute Konsert

1. “Blou Trein” – Dozi

2. “Net voor die storm kom” – Steve Hofmeyr

3. “Honger Hart” – Bok van Blerk

4. “Beautiful in Beaufort Wes” – Ricus Nel

5. “Bitterbessie Dagbreek” – Karlien van Jaarsveld

6. “Hanne” – Bobby van Jaarsveld

7. “Waar was jy” – Jacques du Plessis

8. “Tjailatyd” – Gerhard Steyn

9. “Roeper” – Jay

10. “Loslappie” – Kurt Darren

11. “Skipskop” – Juanita du Plessis

12. “Jaloersbokkie” – Lianie May

13. “Namibsroos” – Bok van Blerk

14. “Gesiggie” – Steve Hofmeyr

15. “Bietjie van My” – Jacques du Plessis

16. “Moenie” – Ricus Nel en Jacques du Plessis

17. “Deur die Winters” – Ricus Nel

18. “Skaakspel” – Liezel Pieters

19. “Ek roep jou naam” – Lianie May & Liezel Pieters

20. “Wie se kind is jy” – Dozi

21. “Vreemde Stad” – Bobby van Jaarsveld

22. “Hartseer vir die Reën” – Karlien van Jaarsveld

23. “Op soek na jou” – Kurt Darren

24. “Jou Asem” – Danny Smoke

25. “Sal jy bly” – Ray Dylan

26. “By jou” – Jay

27. “Hart vol drome / Bring jou Hart” – Juanita du Plessis

28. Koos du Plessis Medley

29. “Poets Medley” – “I Still haven’t Found” / “Tougher than the Rest” / “Go your own Way”

30. “Laslappie Medley”

31. “Soos Bloed”

Kaartjieverkope is alreeds oop en beperk tot 20 000 kaartjies. Kry jou kaartjies HIER.

Hou jou ogies oop vir gereelde opdaterings in die Music News kategorie op SA Music Zone.

Like what you just read? Buy us a coffee to enable us to bring you more content like this.

You're also more than welcome to subscribe to our newsletter to stay in the loop.

Feel free to explore our website or check out our Featured Articles.