Legeh Nuus! Van Pletzen & Spoegwolf het sopas ‘n nuwe enkelsnit uitgereik! Die nuwe enkelsnit (“Ek Kyk Na Jou”) is ietsie spesiaals.
Dit gaan op Van Pletzen se nuwe album wees (wat binnekort uitgereik word). Lees verder om meer daaroor uit te vind.
Wie is Van Pletzen nou weer?
Van Pletzen bestaan uit die dinamiese duo super-vervaardigers, Peach van Pletzen (Groothond, Yesterday’s Pupil, Bittereinder) and Matthieu “NAX” Auriacombe (Hello Beautiful, Beach Party).
Sedert hul stigting in 2018, het Van Pletzen vir hulself ‘n unieke plek in die Suid-Afrikaanse musieklandskap uitgekerf met hul eiesoortige mengsel van lekkervoel-dansmusiek, vlymskerp humor en satiriese kinkels.
So, wat’s nuus uit Van Pletzen land?
Van Pletzen se vierde vollengte album, Om lig te maak, word op 24 April 2025 vrygestel. Vir hierdie album het die duo hul elektroniese dansmusiek verruil vir akoestiese instrumente en organiese interpretasies geskep wat hul unieke vibe beklemtoon.
Om lig te maak verteenwoordig ’n opwindende nuwe fase vir Van Pletzen. Dit kombineer hul kenmerkende humor en satiriese flair met ’n dieper musikale rykdom en liriese diepte.
“Dit is ons trotsste werk nog,” sê die duo, “en ons kan nie wag dat ons aanhangers hierdie spesiale musiek beleef nie.”
Hierdie album bevat ook Van Pletzen se eerste samewerkings met beide Spoegwolf (wat vandag uitgereik is) en opkomende ster Emma B, wat nuwe energie tot hul steeds ontwikkelende klank toevoeg.
Jy kan “Ek Kyk Na Jou” (hulle liedjie saam met Spoegwolf) HIER stroom / aflaai.
“Die lied saam met Spoegwolf het byna vyf jaar gelede begin en kom nou uiteindelik tot lewe op hierdie album,” vertel Peach. ‘n Musiekvideo vir hierdie snit sal binnekort beskikbaar wees.
Die duo het ook onlangs akoestiese weergawes van “Dronk op liefde” met Early B en “Hartedief (het my verlief)” met Emma B vrygestel as deel in aanloop tot die album se vrystelling op 24 April.
Kyk die video vir “Hartedief (het my verlief)”:
Hierdie opregte liedjie vertel die verhaal van twee mense wat onwetend dieselfde gevoelens deel – wat altyd na iets meer verlang, maar op een of ander manier mekaar elke keer mis.
Van Pletzen en Early B verenig hul unieke style om een van die mees eerlike en mees deurleefde liefdesliedere in Afrikaanse musiek (“Dronk Op Die Liefde”) te skep. Dit is ’n rou, opregte komposisie wat in sy suiwerste vorm die skoonheid en kompleksiteit van liefde vasvang.
Die albumkuns vir Om lig te maak is deur die bekroonde kunstenaar Jean de Wet ontwerp. ’n Beperkte uitgawe plaat sal ook beskikbaar wees, wat “Om lig te maak” die ultimate versamelstuk en ’n moet-hê vir musiekliefhebbers maak.
Hou jou ogies oop vir gereelde opdaterings in die Music News kategorie op Running Wolf’s Rant.
🐺 Support Us: Buy us a coffee, it will help us to bring you more content.
📬 Become part of the Wolf Pack: Subscribe to our newsletter to stay in the loop.
🔍 Explore our site: Scroll down to see related and featured posts. You're also welcome to check out our Music, Screen or Knowledge Hubs. Alternatively, feel free to check out our Popular Articles.
📐 Afrikaanse Mense: Check bietjie ons Afrikaanse Hoekie uit.
🕳️ Go Down The Rabbit Hole: Read Random Facts or Watch a Random Music Video.
📅 Find Something To Do: Check out our Featured Upcoming Events or our SA Gig Guide.
Featured Articles
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
