Fokofpolisiekar is een van die bands wat die naweek by die eerste edisie van Park Acoustics vir 2019 gaan speel. Dit beloof om een vir die boeke te wees.
Ek het so rukkie gelede met Wynand Myburgh (die baskitaarspeler van Fokofpolisiekar) gesels oor hierdie optrede by Fort Schanskop in Pretoria. Ons het gepraat oor hulle kief nuwe watergat in Pretoria, die Fokof Bar.
Mense het dit seker al vir julle gevra, maar Is daar enige weg-gesteekte mening in julle musiek?
Dink nie ons was dit al ooit gevra nie… daar is niks versteek nie. If anything, dalk soms complicated te danke aan Hunter se beautiful mind.
Wie dink julle sal teen mekaar baklei in die Ultimate Suid-Afrikaanse weergawe van Celebrity Death Match? Wie sal wen en hoekom sal hulle wen?
Dis nou iets waaraan ons nog nooit gedink het nie. Karen Zoid teen Karlien van Jaarsveld sal fun wees. Pop vs. Rock! Aangesien ons die rocker support sal ons wil glo Karen sal wen. Sy het meer ervaring en defnitief sterker as Karlien 🙂
Behalwe dat julle by Park Acoustics speel, wat is nog nuus in Fokofpolisiekar land?
Die Fokof Bar wat oopmaak is ‘n groot storie vir ons. Ons werk al die afgelope 12 maande aan dit. So dit is vir die volgende 12 maande ‘n groot prioriteit. Ons is besig om aan die ‘ultimate’ Fokof show te werk!
Dit sal ‘n 2 ure set wees packed met die classics + songs wat ons jare laas gespeel het; op ‘n groot stage met great production. Ons dink daaraan om dit SWEET SIXTEEN te noem aangesien ons die jaar vir 16 jaar bestaan.
Maar, meer oor dit later. Ons sal weer musiek uitbring saam met ‘n Fokof Lager box-set aan die einde van 2019. Hoeveel songs en hoe dit gaan klink, weet ons nog nie.
Hoe vind julle ‘n balans tussen julle famiie lewe en al die optredes, opnames ens.?
Dit is nie altyd maklik nie, maar ons vroue, etc. het geweet waarvoor hulle hulself ingekry het toe hulle met ons betrokke geraak het! Niemand van ons wil ‘n ‘normale’ lewe leef nie! Fokof maak seker daarvoor!
Vertel ons bietjie meer van die Fokof Bar. Wat kan die mense van Pretoria van dit verwag?
Soos enige nuwe venture was dit baie harde werk en baie oomblike van stres om die plek reg te kry ! Die grootste challenge was om iets te create wat nie soos ‘n Hardrock Cafe is nie, maar tog die band se waardes, idees, legacy en geskiedenis capture.
Gelukkig het ons al ‘n resep vir dit: al 5 band members se input en om altyd te doen waarvan ons hou. “Kom ons create net die soort spasie waarin ons sal wil kuier…” Dit is regtig ‘n awesome space en ons sien uit om daar uit te hang!
Vertel ons bietjie meer van julle optrede by Park Acoustics. Wat kan ons verwag?
Ons gaan die Fokof-energie hard bring! Ons kyk ook na ‘n paar songs wat ons baie baie lanklaas en ook songs wat ons nog nooit live gespeel het in die set te sit.
Wat is volgende in die pyplyn vir Fokofpolisiekar?
Ons sal graag nog ‘n collective van songs wil skryf, maar dit sal nie begin voor 2020 nie. Vir nou is dit killer shows, baie by die kroeg kuier en baie baie Fokof Lager drink…
”Daar is nog baie bier om te drink en kak om te praat voor ons die wereld probeer reg maak.”
Ek wil van hierdie geleentheid gebruik maak om vir Wynand en Fokofpolisiekar dankie te sê vir hierdie onderhoud. Ek sien moerse uit om ‘n bier of 15 by die Fokof Bar te drink en ek sien moerse uit na hulle show by Park Acoustics die naweek.
As jy nog nie tickets gekoop het vir die naweek se Park Acoustics nie, kry joune HIER.
Jy mag dalk jouself vra, “Waar de fok is die Fokof Bar?”
Die Fokof Bar is bokant Varsity Bakery by 297 Lynnwoodweg in Pretoria. Daar is ‘n openingsparty op die 2de Februarie. Daar is ook ‘n Park Acoustics After Party op die die 3de Februarie.
Die kroeg se deure maak offisieel oop om 10 VM op die 5de Februarie. Check die Fokof Bar Facebook page uit vir meer inligting.
Wees op die uitkyk vir gereelde opdaterings in die Music kategorie op Running Wolf’s Rant.
114 - 114Shares
- 114Shares
114
