Spoegwolf: ‘n Onderhoud voor Park Acoustics

Blitsoorsig: Spoegwolf tree hierdie naweek op by Park Acoustics in Pretoria saam met bands soos aKing en Grassy Spark. Die groep, wat sedert 2012 drie albums en een EP uitgereik het, het met ons gesels oor hulle liefde vir Pretoria en moontlike nuwe musiek by die show, insluitend moontlik 'n stuk wat "Die Rivier" genoem word.

Spoegwolf is een van die groepe wat die naweek optree by Park Acoustics in Pretoria. Die groep (wat gevorm is in die Paarl in 2012) maak tans wye golwe in die SA musiek scene. Hulle het onlangs ook opgetree by Oppikoppi Nomakanjani. Sover het die laaities al 3 albums en een EP uitgereik: Swaartekrag (in 2012), Elektriese kind (in 2013), Somer (in 2015) en Die Donker Toring (in 2017).

Ek het met hulle gesels oor Park Acoustics en so paar ander goedjies. Hier is wat hulle te sê gehad het.

Hey ouens, thanks vir die kans om gou ‘n vinnige geselsie met jul te kan hê. Is jul net so opgewonde om by Park Acoustics op te tree soos ons is om julle daar te sien?

Ons is!!

Behalwe vir hierdie maand se Park Acoustics, het Spoegwolf ook ‘n hele paar gigs wat in Pretoria wag. Julle was vroeër die jaar ook te sien by Capital Craft se bier fees. Is daar enige iets van die Pretoria crowd wat vir julle uitstaan? Hoe vergelyk shows hier met die wat julle in ander plekke van die land speel?

Pretoria deel ’n bietjie van ons hart. Twee van ons lede (Danie en Moskou) is ook daar gebore – en baie van ons familie is nog daar. Ons shows in Pretoria is altyd drie keer groter, harder, en maller as die res.

As julle een show moet kies wat die meeste vir jul uitstaan oor die tydperk van jul loopbaan, watse een sal dit wees?

Oppikoppi hierdie jaar was nogal mal.

Julle deel hierdie maand by Park Acoustics die stage met amazing bands soos aKing, Grassy Spark en Bad Peter (net om ‘n paar te noem). As daar enige band is saam met wie julle ‘n stage sal wil deel, wie sal dit wees?

David Kramer, Pink Floyd en Bruce?

Julle album, Die Donker Toring, is nou net bietjie meer as ‘n jaar oud. En eks seker meeste mense speel dit nog op repeat (dalk is dit net ek). Maar is daar enige verrassings wat ons kan verwag by Park Acoustics? Dalk ‘n nuwe liedjie of twee? Die mention van ‘n nuwe album dalk?

Spoegwolf kyk na ‘n paar nuwe dinge! Ons mag dalk net iets van ‘Die Rivier’ speel.

Waarna toe van hier af vir Spoegwolf? Enige groot avonture wat vir jul wag?

World Domination

Ek wil vir Spoegwolf bedank vir hierdie onderhoud. Ek wens hulle alles van die beste toe met hulle optrede by Park Acoustics die naweek en hulle toekomstige musikale endeavors.

As jy nog nie kaartjies het vir Park Acoustics nie, kry joune HIER.

Wees op die uitkyk vir opdaterings in die Music kategorie op Running Wolf’s Rant.

Sluit Aan By Die Wolfpak

Help Om Ons Aan Die Gang Te Hou

Verken Running Wolf's Rant