Vandag word ‘n splinternuwe enkelsnit deur Straatligkinders vrygestel, getiteld “Kakofonie”. Vir hierdie vrystelling span Straatligkinders saam met Majozi vir ‘n alternatiewe, dog prettige en opwindende aanbieding.
Meer inligting oor “Kakofonie”
‘n Liedjie oor die liefde en hoe dit jou mal dinge kan laat doen – die enkelsnit bring beslis die punkrockers in ou en nuwe aanhangers na vore. Die nuutste in ‘n reeks samewerkings deur Straatligkinders, en aanhangers kan uitsien na ‘n prettige en opregte, borrelende saam-sing snit saam met Suid-Afrika se liefling, Majozi.
“Kakofonie” is in 2021 geskryf met die inspirasie daaragter spesifiek ‘n samewerking met Majozi, wat die groep sedert hul vroeë punkrockdae ken, en aangesien Majozi die groep se vertonings bygewoon het voordat hy hulle geken het – wou hulle pret hê met die punkrocker in hom!
Bouwer Bosch vertel ons oor hoe “Kakofonie” gebeur het
“Majozi is een van die grootste musikante in Suid-Afrika en dit was eintlik ‘n lang skoot om hom te vra, want hy het ons beslis nie nodig nie! Maar ons is net op ‘n plek waar ons lekker samewerkings met ander kunstenaars wil doen en Majozi het net reg gevoel. Die proses was maklik; hy het alles in Kaapstad opgeneem en net die opnames deurgestuur. Ons het hom vrye teuels gegee om te skryf oor waarvan hy hou.”
Majozi vertel ons hoe dit was om saam met Straatligkinders te werk
“Ek het grootgeword met Straatligkinders in die gloriejare van MK, en een van die eerste optredes wat ek ooit in Pretoria gedoen het, was saam met hulle, so toe hulle vra of ek saam met hulle aan ’n liedjie wil werk – het ek dadelik ja gesê! Dit was ‘n ware eer vir my. Hierdie liedjie is vol jeugvolle energie, en ek het in my pop-punk-verlede gegrawe vir hierdie, so dit was regtig vir my lekker!”
Ek moet erken dat “Kakofonie” een van die beter liedjies is wat ek hierdie jaar gehoor het. Ek kan nie wag om hierdie by ‘n live show te hoor nie.
Jy kan “Kakofonie” HIER aflaai / stroom.
Wees op die uitkyk vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
