Vrydag is ‘n splinternuwe enkelsnit van Straatligkinders vrygestel, getiteld “Kom Saam”. Die liedjie kom na die vrystelling van hul laaste album ‘Verdwyn‘ in 2018, en is die eerste aanbieding uit ‘n versameling splinternuwe liedjies en samewerkings wat kom.
Die liedjie is in Junie geskryf toe ‘n vervaardigersvriend van die groep, Spencer Harvey, ‘n liedjie wat hy vir hulle gemaak het, vir hulle gestuur het. Die musiek het die res van die lied geïnspireer. Die enkelsnit is ‘n opwindende nuwe klank vir Straatligkinders, ‘n uitnodiging en ‘n ernstige gebaar tegelyk. Dit handel oor die erkenning van jou gebreke en dat jy nie meer alleen deur die lewe wil gaan nie.
“Jy het al jou onsekerheid en wapens neergelê. Dis net jy; die gestroopte rou jy wat voor iets staan wat dieselfde voel. Dit is ‘n hou in die maag, maar ook iets wat jou voete sal laat beweeg.” sê Bouwer Bosch.
Meer inligting oor “Kom Saam”
Met ‘n hoë energie-gevoel, is “Kom Saam” ‘n rocklied met elektroniese elemente wat die huidige relevante klank en genres benut. Dis ’n oorkruising tussen punkrock en elektro met ’n moderne pop punk klank wat ou en nuwe Straatligkinders aanhangers sal geniet.
Die video vir die enkelsnit is in Julie deur Johan de Kock geskiet met Bouwer Bosch aan die stuur van regie. Die video is geïnspireer deur die fiksheidsinstrukteurs wat soggens voor jou daaglikse tekenprente gedurende jou kinderjare TV-skerms versier het, en speel af in ‘n spesiale gimnasium vir mans met die titel ‘Vader Figuur‘. By ‘Vader Figuur’ kan mans meer as hul spiere bou; hul kan ook hul selfvertroue terugkry onder die wakende oog van die stigter, ‘Johan Reyneke‘ gespeel deur Bouwer Bosch.
Ander karakters in die video sluit in Hein Kruger as ‘Andre Uys‘ – ‘n sagteware-ingenieur, Benjamin De Jager as ‘Ockert Oelofse‘ – ‘n netbalafrigter, en Ruan Kruger as ‘Jaap‘ – ‘n bokboer.
Straatligkinders vertel ons meer or “Kom Saam” se video
“Alhoewel ons op hierdie konsep besluit het om die video lig en vermaaklik te hou, is dit ook ‘n opmerking oor die feit dat ons onsself voortdurend met ander vergelyk. Ons verwag van onsself om net so hard soos ander te presteer, en om aan onmoontlike hoë verwagtinge te voldoen, en indien ons misluk, kan ons onsself nie vergewe nie. In die lewe moet ons leer hoe om mekaar aan te moedig, geleenthede vir groei te skep en genade te hê met ons mislukkings en die mislukkings van ander. Dit word in die video uitgebeeld.”
Aanhangers kan uitsien na ‘n kleurryke, prettige video met aksiebelaaide koreografie, epiese mislukkings en snaakse onderhoude met die orkes wat tussenin optree.
Straatligkinders beskryf “Kom Saam” as ‘n klank wat aangepas is vir die nuwe, huidige musiekseisoen in Suid-Afrika, met ‘n lewendige, dansvibe daarop: “Ons gaan ons nie kategoriseer nie; ons is skeppers, ons is lief vir musiek en ons hou daarvan om deel daarvan te wees.”
Kyk die video vir “Kom Saam” hier onder:
Dis great om bietjie ‘n nuwe Straatligkinders musiekvideo te sien. Die track is een van die beter Afrikaanse songs wat ek die jaar gehoor het.
Jy kan “Kom Saam” HIER stroom / download.
Wees op die uitkyk vir gereelde opdaterings in die Music Videos kategorie op Running Wolf’s Rant.
🐺 Ondersteun Ons: Koop vir ons 'n koppie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🎵 Verken ons Music Hub: Check bietjie ons Music Hub uit vir meer musiekverwante inhoud, of kyk wat op die SA Gig Guide is en wat by Upcoming Events aangaan.
🎬 Verken ons Screen Hub: Check bietjie ons Screen Hub uit vir flieks, TV, gaming en meer.
🔥 Popular Articles: Kyk wat ander mense lees by ons Popular Articles.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
