Diversiteit is ‘n kollektiewe album wat trots vrygestel is deur Tunes Studio. Van ons land se mees talentvolle musikante en rymklets kunstenaars het saam gespan om ‘n album te skep wat bestaan uit soveel diverse genres soos wat die album se titel impliseer.
Die Tunes Studio album bestaan uit nege liedjies en elkeen is ‘n intieme inleiding tot elke kunstenaar deur middel van hul klank, boodskap en musiek.
Hierdie album is ‘n produk van eienaar en mede-vervaardiger van Tunes Studio, Jean Marais, se besigheidsmodel en waardes wat gerig is op inklusiwiteit en toeganklikheid.
Musiek is genesend en die album het op ‘n gepaste tyd uit gekom – hier om ons te herinner om meer verdraagsaam te wees teenoor mekaar.
Die onsekerheid van wat volgende gaan gebeur maak dat ons moet fokus op dit waaroor ons wel beheer het nou, ons reaksie op ons omstandighede en terwyl ons dit doen kan ons rustigheid en vreugde vind in die musiek en so bietjie, al is dit net vir ‘n oomblik, van ons ergste probleme vergeet. Diversiteit is ‘n ideale album om so bietjie te ontsnap van die huidige situasie waarin ons onsself bevind.
Meer inligting oor Tunes Studio se Diversiteit
Die kunstenaars wat deelgeneem het aan hierdie album sluit Churchil Naudé, Riaan Nieuwenhuis, Riku Lätti, Bacchus Nel, Frazer Barry, Tuin, Petronel Baard en Soetmelk, Charel Kleinhans en Jolyn Phillips in.
Diversiteit was vermeng en vervaardig deur Mark Ellis en Jean Marais wie verantwoordelik was vir die ritme afdeling op agt van die nege snitte. Nog ‘n legendariese element aan die album is bygedra deur TL Mastering se eie Tim Lengfeld wat die klank hierop afgerond het. Dis ‘n resep wat oorloop van diverse speserye en geure en word opgedis in ‘n nege gang maaltyd vir die siel.
Agt van die nege snitte is Afrikaanse liedjies met die uitsondering van ‘Ubunye’, wat geskryf en gespeel word deur Charel Kleinhans, met Danie du Toit (Spoegwolf) as gaskunstenaar.
‘Die Bloed’ was die eerste snit wat bekend gestel was op die album en ook die enigste snit wat voorheen al vrygestel is op Churchil Naudé se onlangse solo album, ‘Kroesified’.
Hierdie weergawe van die liedjie op Diversiteit is wel besonders en op ‘n nuwe manier saam gesit. Riku Lätti verskyn ook as gaskunstenaar hierop en die liedjie is binnekort te hoor op radio stasies regoor Suid-Afrika.
Dit is almal wat deel uit maak van hierdie album, se wens dat hulle deur hul taal en musiek elkeen hul boodskap aan luisteraars sal bring. ‘n Boodskap wat ons uitnooi om ons verskille en diversiteit te vier en te geniet en sodoende die kulturele versperrings tussen ons af te breek.
Nuuskierig en lus vir lekker musiek? Luister Tunes Studio se album HIER.
Volg gerus Tunes Studio se Facebook Blad en Instagram Rekening vir gereelde nuus, aankondigings en agter die skerms stories oor die album.
Wees op die uitkyk vir gereelde opdaterings in die Music News kategorie op Running Wolf’s Rant.
🐺 Support Us: Buy us a coffee, it will help us to bring you more content.
📬 Become part of the Wolf Pack: Subscribe to our newsletter to stay in the loop.
🔍 Explore our site: Scroll down to see related and featured posts. You're also welcome to check out our Music, Screen or Knowledge Hubs. Alternatively, feel free to check out our Popular Articles.
📐 Afrikaanse Mense: Check bietjie ons Afrikaanse Hoekie uit.
🕳️ Go Down The Rabbit Hole: Read Random Facts or Watch a Random Music Video.
📅 Find Something To Do: Check out our Featured Upcoming Events or our SA Gig Guide.
Featured Articles
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
