“Krapmerke”, Zaan Sonnekus se nuwe enkelsnit is hier! Zaan het lankal reeds die kuns bemeester om betekenisvolle lirieke met unieke pop-rockklanke te verweef om ’n uitsonderlike eindresultaat te kry. En die liedjie is bewys van dit.
Die nuutste alternatiewe snit, uit sy eie arsenaal, is net weereens ’n bewys van hierdie donkerkop Pretorianer se uitsonderlike talent. Volgens dié liedjieskrywer, met sy boeiende verhoogpersoonlikheid en kunstige versameling tatoes, gaan “Krapmerke” oor die stukkies van die mense in jou lewe wat in jou agterbly.
Zaan Sonnekus verduidelik “Krapmerke”
“Daar is altyd ’n stukkie van iemand wat agterbly binne jou; of hulle nog met jou is of nie, is daar dele van die persoon wat jy aangeneem het. Ons almal vorm deel van mekaar en ons almal neem mekaar aan.”
’n Ontmoeting met ’n boemelaar was die inspirasie agter hierdie hoendervleismooi lied, wat deur Tertius Human van Coolerbox Records vervaardig is.
Zaan Sonnekus verduidelik hoe “Krapmerke” gebeur het
“Ons het gesels en ek het agtergekom dat ons ons baie eenders is, maar van verskillende wêrelde af kom. Daar was ’n deel van hom in my en van my in hom; ons stories was parallel aan mekaar, maar het verskillende karakters en milieu.”
“Krapmerkë” is Zaan Sonnekus, wat in Bloemfontein grootgeword het, se vyfde enkelsnit en vorm deel van sy album, Zonneblom, wat in 2021 vrygestel en vir hom ’n groot loopbaanhoogtepunt is in die ses jaar wat hy nou al in die musiekbedryf doenig is.
Wanneer hy nie besig is met musiek nie, is hy betrokke by Son Studios en Son Sound en is hy ook mede-eienaar van ’n besigheid, Inner Ink, wat op industriële vlak verharde glas vervaardig en keramiek-drukwerk doen.
Zaan Sonnekus gee sy laaste twee sente oor “Krapmerke”
“Krapmerke het ’n vriendelike, nostalgiese klank met woorde wat dieper lê as wat die musiek is. Dit herinner my aan wat regtig belangrik is en ek hoop dat dit ’n verskil sal maak in elkeen se lewe wat daarna luister.”
Hou jou ogies oop vir gereelde opdaterings in die Music News kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
