Aanhangers sal bly wees om te hoor dat Corné Pretorius se nuutste enkelsnit “Biertjies” pas uitgereik is en dat al vier treffers nou op ‘n EP uitreiking beskikbaar is!
Meer inligting oor Corné Pretorius
Die opwindende nuwe Afrikaanse kunstenaar Corné Pretorius het die afgelope paar maande vele aanhangers gewerf met sy debuut-liedjies “Vuur en Vlam”, “Vergewe My” en “Halfvol” –drie in die kol radiotreffers wat tans op radiostasies landwyd speel. Die videos van hierdie liedjies het gesamentlik reeds meer as 100,000 kyke op YouTube.
Pretorius span kragte met Die Heuwels Fantasties en Ampie op “Biertjies”
Hy vertel dat dit vir hom gepas was om ‘sommer net `n lekker ligte liedjie’ nou te kon maak.
“Daar is tans baie stres in die wêreld; ons kan almal doen met `n bietjie pret en plesier. Al drie my enkelsnitte wat verlede die lig gesien het, was tydens verskillende fases van die grendeltydperk opgeneem en uitgereik. Ek is dankbaar dat dit so goed doen! Dit is nou vir my `n groot eer en next level om Biertjies saam met Die Heuwels en Ampie te kon doen.”
“Ons het `n rukkie terug almal bymekaar gekom by Sunset Recording Studios in Stellenbosch om te ontspan en om die liedjie op te neem. Ons het ons families saamgebring en so tussendeur die opname vd liedjie gebraai en gekuier. Die video van “Biertjies” bestaan uit video opnames van hierdie onvergeetlike dag.”
Hunter Kennedy het die lirieke van hierdie lekker nuwe treffer geskryf
Kennedy sê dat dit moeilik is om in ons hedendaagse omstandighede positief te bly.
“Ek dink wel, dit is van kardinale belang dat jy na jou siel probeer kyk. ‘n Goeie manier om dit te doen is om op positiewe ervarings en herinneringe te fokus. Met die skryf van “Biertjies” het ek deur al die donker dinge probeer dink aan ‘n algemene deler wat ‘n ligpunt verteenwoordig. En die ding wat by my gestick het was biertjies om ‘n vuurtjie. Kamp, jag, vakansie, naweke. Woensdae… Samesyn en biertjies en vuurtjies is ietsie wat ek dink ons almal behoort te mag deel.”
Pretorius sê dat hy soms nie kan glo hoe baie daar gebeur het vandat hy sy musiekloopbaan in die middel van die fase 5 grendeltyd in April 2020 afgeskop het nie
“Ek het dele my eerste liedjie “Vuur en Vlam” op my selfoon opgeneem. Toe was dit alles nog net `n droom. Nou minder as `n jaar later het ek reeds 4 liedjies suksesvol uitgereik, `n show saam met Francois van Coke gedoen en daar is ook nog vele ander liedjies waaraan ek werk met ander bekende kunstenaars.”
“Dis ongelooflik! Ek werk met `n fantastiese span en is dankbaar aan die publiek dat hulle aanklank by my musiek vind. Ons gaan vanjaar sommer nog baie lekker musiek maak!”
Kyk die musiekvideo vir “Biertjies” hier onder
Jy kan die Biertjies EP HIER luister en aflaai.
Wees op die uitkyk vir gereelde opdaterings in die Music News kategorie op Running Wolf’s Rant.
🐺 Support Us: Buy us a coffee, it will help us to bring you more content.
📬 Become part of the Wolf Pack: Subscribe to our newsletter to stay in the loop.
🔍 Explore our site: Scroll down to see related and featured posts. You're also welcome to check out our Music, Screen or Knowledge Hubs. Alternatively, feel free to check out our Popular Articles.
📐 Afrikaanse Mense: Check bietjie ons Afrikaanse Hoekie uit.
🕳️ Go Down The Rabbit Hole: Read Random Facts or Watch a Random Music Video.
📅 Find Something To Do: Check out our Featured Upcoming Events or our SA Gig Guide.
Featured Articles
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
