Corné Pretorius is reeds van kindsbeen af lief daarvoor om mense te vermaak en hy is een van die kunstenaars om dop te hou. Hy het onlangs sy nuwe enkelsnit, “Vergewe My” uitgereik. Hy het ook in April 2020 sy eerste enkelsnit, “Vuur en Vlam” uitgereik. Corné Pretorius het grootgeword in Kaapstad en die Paarl.

Ek het onlangs met Corné Pretorius gesels oor so paar dingetjies

Ons gesels oor die lockdown, die Suid-Afrikaanse musiek bedryf ens. Hier is wat hy te sê gehad het.

Wat is die ups en downs daarvan om ‘n debuut single tydens 2020 in lockdown uit te reik?

Die ups is om mense se aandag te kry terwyl hulle by die huis sit was baie makliker in lockdown. Ek moet eerlik wees, die lockdown het eintlik geen downs vir my song gehad nie. ek het tyd gehad om te fokus op die interviews, te reply op fans en om nog songs te skryf. Dit was ‘n fees!

Waar kom jou liefde vir musiek vandaan?

My ouers is mal oor musiek en hulle het my altyd aangemoedig om musiek te doen. Maar ek dink dit die ver road trips saam my familie met lekker harde tunes in die kar van ‘n jong ouderdom af wat ek altyd sal onthou as die plek waar ek songs geleer saam sing het en ultimitly ‘n liefde gekry het vir sing

Vertel die storie agter die ontstaan van “Vuur en Vlam”?

“Vuur en Vlam” het in Van Coke Studios ontstaan net toe die staat aangekondig het dat geen shows meer as 100 mense mee mag gebeur nie. dit was op daai stadium ‘n groot skok en het ons liedjie skryf meeting in ‘n rugting in gestoot wat ek dink amazing uitgedraai het! Francois van Coke het die lirieke geskryf en Richard Onraet die musiek.

Wat is vir jou die hoogtepunt sover na die uitreiking van “Vuur en Vlam”?

Shoe, dis ‘n moeilike een, als is sover vir my ‘n hoogte punt hahahaha! Maar ek moet se, die feit dat “Vuur en Vlam” gekies was om voor te kan stem op Groot FM en dat TexxAndTheCity die song gekies het as die song van die week op ‘n grootendeels Engelse blog, was vir my iets amazings!

Ons sien jy werk baie saam met Francois van Coke en Hunter Kennedy? Wat leer jy van hulle oor die musiekindustrie?

Ahh man, dis twee van die amazingste mense wat ek ken, ongeah wat hulle al bereik het. Hulle is net amazing mense in geheel. Hulle het my met ope arms ingetrek en my gehelp om ‘n paar amazing songs te skryf wat nog oppad is. Maar die belangrikste ding wat ek geleer het was, wees net 100% wie jy is, dis baie makliker!

Wat dink jy oor die algemeen oor die stand en toekoms van SA musiek-industrie?

Ek dink hiedie tyd het baie kunstenaars kans gegee om te werk aan great nuwe songs. Kunstenaars het begin saamstaam en awesome collabs begin doen. Ek dink daars nog ‘n stukkie slegte tye wat voorle maar sodra ons deur covid kom, gaan die fans ge-entertain wees soos nog nooit tevore!

Ons hoor jou tweede single “Vergewe My” is pas uitgereik. Vertel ons meer hiervan

Vergewe my is ‘n baie spesiale song! Die song het ‘n lekker vibe en die lirieke was geskryf deur een van die beste songwriters in ons land, Hunter Kennedy. Richard Onraet het die tune geskryf, en oh my word, wat ‘n awesome tune. My vriende vertel my hulle kan net die die chorus uit hul kop kry nadat hul dit geluister het nie.

Wat sal jy vir ander sangers wat nou ‘n loopbaan wil begin sê om hulle aan te moedig?

Wees wie jy is, moet nie probeer wees soos ‘n ander kunstenaar nie! doen jou ding, en die res sal volg.

Ek wil die geleentheid gebruik om vir Corné Pretorius te bedank vir hierdie onderhoud. Ek wens hom als van die beste toe vorentoe.

Wees op die uitkyk vir gereelde artikels in die Music kategorie op Running Wolf’s Rant.