Die Heuwels Fantasties se nuwe album, Herverbeel is vandag uit. Hunter Kennedy (een van die lede van Die Heuwels Fantasties) is ‘n liedjieskrywer, kitaarspeler, bas-kitaar speler wat bekend geraak te danke aan die Afrikaanse punk rock groep Fokofpolisiekar.
Met Herverbeel pak Die Heuwels Fantasties nuwe verwerkings en akoestiese weergawes van hul treffers, sowel as unieke samewerkings met verskeie kunstenaars aan. Die idee was om met `n ander perspektief te kyk na bestaande Heuwels songs.
Ek het ‘n rukkie gelede met Hunter Kennedy gesels oor Die Heuwels Fantasties se nuwe album en so paar ander goedjies. Hier is wat hy te sê gehad het daaroor.
Hoe lyk 2020 as Hunter Kennedy hom kon herverbeel?
Mmm… Al kon ek sou ek versigtig wees om met tyd te mors. Daar is ‘n moontlikheid dat hierdie vullisvuur van ‘n jaar ‘n positiewe impak kan hê in die lang termyn. Die jaar is nog nie verby nie. Gewoonlik wens ek, ek het meer in die see geswem.
Watter song op julle nuwe album is vir jou die beste verwerking?
Jislaaik! Dis moeilik. Ek hou baie van Margot se “Mejuffrou Sonneblom”.
Voel jy soms dat `n song wat jy skryf nie klink soos wat jy gedink het dit sal nie?
Ja, altyd. Elke liewe keer.
Is daar enige song op Herverbeel wat vir jou dan beter of nader aan die skrywe voel?
Mmm… Nee. Hahahaha! Ek dink songs lewe as konsepte. Die genres is maar net jassies.
Wat moet dieselfde bly en wat mag verander as mens `n song so oordoen?
Ek dink watookal die essensie was, of dit die hook of die lyric is of watookal. Ek dink meestal het daar net arrangement goedjies verander.
Hoe het julle die liedjies op Herverbeel gekies?
Ons het ‘n klomp liedjies se name in ‘n hoed gegooi en ‘n paar uitgetrek!
Watter internasionale kunstenaars skryf volgens Hunter Kennedy die beste lirieke?
Ek dink Paul Simon is ‘n meester. Deesdae hou ek ook baie van Penelope Scott en Propagandhi is seker my gunsteling.
Watter plaaslike kunstenaars skryf vir jou die lekkerste?
Ek hou baie van hoe Danie Reënwolf skryf. Ek is ‘n fan van Koos Kombuis se skrywe. Francois Van Coke, Laudo Liebenberg, TeeJay Terreblanch, Loki Rothman, Bongiziwe Mabandla skryf vir my mooi, al verstaan ek nie die taal nie hou ek van die vertaling. Dit hang af. Dolf Willemse. Fred en Vegas. Jack Parow. Middelvinger. TCIYF.
Ek wil vir Hunter Kennedy en Die Heuwels Fantasties bedank vir hierdie onderhoud. Ek wens hulle albei alles van die beste toe met hulle toekomstige musikale avonture. Jy kan Herverbeel stroom al die major streaming platforms.
Wees op die uitkyk vir gereelde opdaterings in die Music kategorie op Running Wolf’s Rant.
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
