‘n Onderhoud met Janie Bay oor “Ek glo nog in Jou”

Janie Bay en Danie Reënwolf het onlangs ‘n nuwe enkelsnit uitgereik, “Ek Glo Nog in Jou”. Die video het alreeds meer as 250,000 kyke op YouTube gehad. Dis definitief een van die beste Afrikaanse liedjies van 2020.

Ek het onlang met Janie Bay gesels oor hierdie liedjie en so paar ander goedjies. Hier is wat sy te sê gehad het.

Baie geluk met “Ek glo nog in Jou”. Hoe het die lied ontstaan?

Baie dankie. Ek en Danie het by ‘n braai by hul huis een dag vinnig gechat oor om dalk iets saam te doen. Ons het toe so paar keer geskryf by Drum, hul restaurant in Stellenbosch en ek het die chorus in die kar een dag geskryf op pad Paarl toe. Ek dink die mooi scenery het my inspire.

Vertel ons van die maak van “Ek glo in jou” video?

Danie was in ‘n motor ongeluk net so week of so voor die recording en filming van die music video. Ek het nie gedink die music video gaan moontlik wees hierdie jaar nie, maar Danie was keen om te shoot. Ek het besluit ons doen ‘n eenvoudige split screen one-take video waar ons min of meer op dieselfde tye deur ‘n huis stap, asof die karakters “long” vir hul persoon om huistoe te kom.

Hoekom het jy vir Danie Reënwolf gekies om die lied mee saam te doen?

Ek dink meeste mense sal saam stem dat Danie ‘n genius is, veral met lirieke. Hy maak altyd magic. Dit was ‘n droom om saam met hom te kon werk en ek is super dankbaar dat hy willing en keen was om n song saam met my te skryf en uit te bring.

Jy het ook in September n akoestiese album “In die Sitkamer” uitgereik. Vertel ons meer van die beplanning agter dit tydens lockdown?

Ons wou graag hierdie jaar ‘n vol-produksie, nuwe album uitbring en inperking het net mooi begin toe ons in studio toe wou gaan. Ons moes maar pivot en het toe besluit om ‘n acoustiese album sommer by die huis te record. Aangesien ons in die Kaap was was die ouens van Spoegwolf naby aan ons en hulle het ‘n epic home studio in hul sitkamer en hulle was toe nie genoeg om ons daar te laat record, hence die naam “In Die Sitkamer”.

Hierdie is beide wonderlike suksesse vir jou in `n moeilike jaar. Wat het jou gemotiveer om die beste van 2020 te maak?

Ek het net voor lockdown ook ‘n single record en music video gemaak vir “Jammer” wat toe in lockdown release het, dan ook “In Die Sitkamer” en “Ek Glo Nog In Jou”; Ek het regtig soms nie gemotiveerd gevoel nie en die jaar het maar sy disappointments en heartache gehad wat ek moes deur werk en verwerk. Maar om ‘n artist te wees beteken om pretty much altyd ‘n urge te hê om te create en dit trump vir my demotivation. Ek is dankbaar dat ek kon create in so moeilike jaar in moeilike circumstances. Dit was eerlikwaar nie altyd maklik nie.

Wie was Janie Bay verlede jaar hierdie tyd? En wie is sy nou?

Ek dink my core is nog dieselfde, maar seker maar met ‘n bietjie meer wisdom. Die tiepe wisdom waar jy besef dat niemand weet regtig wat aan gaan in hierdie wêreld nie en dat dinge maar pretty bad is, MAAR, mens kan steeds kies om jou lewe gelukkig te maak en te hou.

Wat wil jy graag volgende jaar doen? Is daar n spesifieke fokus vir jou?

Ek wil graag daai nuwe album uitbring met nuwe songs wat hopelik mense se breine gaan breuk :P. Ek het ook meer begin skryf vir ander sangers, so ek hoop om te kan aangaan met dit. En as dinge uitwerk soos ek graag wil hê sal ek my eie besigheid hê oor die volgende jaar, maar vir nou hou ons dit maar hush-hush.

Watter ander kunstenaars het jou in 2020 inspireer?

Post Malone, Tate McRae, altyd John Mayer, Billy Raffoul, Billie Eilish en James Bay.

Watter stories in die nuus het jou inspireer?

Mense wie se klein besighede begin op tel het, mense wat opgestaan het vir GBV, mense wat successfully kos by mense uitgekry het wat nie gehad het nie en mense wie se musiek begin op tel het in lockdown.

Wat maak jou opgewonde?

Wanneer ek ‘n song klaar gemaak het, selfs nog voor iemand gehoor het. As iemand na aan my iets ontvang wat julle baie gelukkig maak, as ek my goals reach en natuurlik, om op stage te wees.

As jy drie wense kon maak vir 2021, wat sal dit wees?

Dat ons land beter leadership kan kry, dat meer mense in ons land gehulpe kan raak met werk en kos, en vir myself, dat ek kan aanhou musiek maak, songs skryf en release en net okay kan leef, niks fancy nie.

Ek wil vir Janie Bay dankie sê vir hierdie onderhoud. Ek wens haar alles van die beste toe met haar toekomstige musikale projekte en haar loopbaan.

Wees op die uitkyk vir gereelde opdaterings in die Music kategorie op Running Wolf’s Rant.