Die immergewilde Janie Bay het pas `n video vir die tweede enkelsnit vanaf haar album Prisma uitgereik. Die liedjie “Kalmeer” gaan oor die onvoorspelbare wêreld waarin ons tans leef.
Janie Bay verduidelik die inspirasie agter “Kalmeer”
“Ek voel dat ons almal bietjie kalmer waters nodig het. Dinge beweeg vreeslik vinnig deesdae en dit voel asof daar tans so baie onverwagte dinge oor ons almal se pad kom. Dit is tans moelik vir die mensdom om psiglogies en emosioneel sin te kan maak van wat alles gebeur.”
Janie verduidelik die konsep vir die video vir “Kalmeer”
“Niemand is altyd op hul beste nie. Met die maak van die video wou sy en regisseur Damiane van Reenen werk met beelde wat die psige van `n diep onrustigheid voorstel. Depressie, angs, moedeloosheid, vrees ensovoorts. Dit gee die gevoel van daardie moeilike tye uit wanneer ons in onvaste oomblikke nie die antwoorde het hoe om dinge beter te kan maak nie.”
Bay sê dat sy dit geniet om met Van Reenen te werk
“Hy het `n skerp, innoverende oog. Die res van die span op stel van “Kalmeer”, Marguerite van Eeden (produksie-assistent) en Ibby Bukuru en Deon Dee (Beligting) het dit alles `n baie goeie ervaring gemaak. Ek hoop dat mense van die video sal hou!”
Janie Bay se Afrikaanse album, Prisma, waarop “Kalmeer” verskyn, is in Junie vanjaar uitgereik. Die eerste enkelsnit vanaf die album “My Lief” wat Bay saam met Majozi en Early B opgeneem het het groot sukses op radio behaal, onder andere die nommer 1 posisies of Jacaranda FM se SA Top 20 en dié stasie internasionale CTM Top 20. “My Lief” was ook nommer 1 op Radio Helderberg se SA Top 10 en het verskeie ander Top 20 posisies landwyd gehaal.
Die album is ‘n samevloeisel van liedjies wat geskryf is tussen 2019 en vroeg-2021. Met persoonlike temas soos familie, die liefde, passie, verlies en aanmoediging as hoeksteen, is dit ‘n meesterlike smeltkroes van uiteenlopende musikale teksture wat wye draaie gooi tussen lieflike ballades en ligte pop-musiek, asook ‘n goeie dosis elektroniese adrenalien.
Janie Bay het in 2017 as SAMA-genomineerde kunstenaar en internasionale pryswenner aangesluit by Warner Music South Africa. Haar musiek is al meer as 6 miljoen keer gestroom en volgens RadioMonitor.com het haar Afrikaanse enkelsnitte die afgelope twee jaar meer as 100 miljoen luister-trefslae gehaal.
Janie Bay se Prisma album is beskikbaar op alle gewilde digitale platforms.
Wees op die uitkyk vir gereelde opdaterings in die Music Videos kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
