In geval jy nie geweet nie, Janie Bay is ‘n SAMA genomineerde sanger-liedjieskrywer. Sy kom van die Kaap af maar woon tans in Pretoria. Sy het onlangs haar enkelsnit (“Amper Daar”) uitgeryk. Die liedjie is tans no 1 op Joox, Maroela Media en Grootfm se trefferlyste.
Ek het onlangs met Janie Bay via e-pos gesels oor haar musiek en so paar ander goedjies. Lees hier onder om uit te vind wat sy te sê gehad het.
Waar het groot geword?
In Strand, so 45 min buite Kaapstad. Soortvan ‘n small town-ish feel.
Jy woon nou al 5 jaar in Pretoria. Hoekom die skuif?
Toe ek getrek het was daar baie meer geleentheid hierbo. Maar musiek het al weer baie verander in hierdie 5 jaar in ons land en reg oor die wêreld, so ek dink mens kan amper operate van enige plek in die land, maar vir nou is ek hier bo.
Jou SAMA genomineerde album ‘Miscellany’ (2017) wat jy saam met jou platemaatskappy Warner Music South Africa uit gesit het is meestal Engels. Verkies jy om in Engels of Afrikaans te sing / skryf?
Ek dink dit hang maar altyd af van die liedjie, maar ek dink ek express myself dalk beter in Engels. Ek het groot geword met meestal Engelse musiek in die huis en was nog altyd meer aangetrokke tot internasionale musiek.
Jy het al colabs gedoen saam met van die grootste Alternatiewe Afrikaanse name in die land soos Jack Parow, Bouwer Bosch, Hunter Kennedy en Jan Bloukaas. Jou eerste solo Afrikaanse enkelsnit “Amper Daar” het al ‘n paar #1 plekke ingeneem op radio en online platforms. Beplan jy ‘n Afrikaanse album?
Ons is besig om nuwe liedjies te skryf en die volgende projek behoort ‘n Afrikaanse projek te wees.
Beoog jy om nogsteeds in Engels te skryf?
Definitief. Ek skryf in altwee tale. Dis vir my twee baie verskillende experiences om in Engels of Afrikaans te skryf, maar hoe die musiek geskryf word skryf ek dit altyd om ‘n spesifieke gevoel oor te dra. Musiek ken gelukkig nie taal nie.
Behalwe musiek, wat maak jou gelukkig?
My familie. My kêrel (hy is eintlik maar my man al is ons nie getroud nie). My handjievol ware vriende. Diere. Travelling. Fitness. Movies (Cinematography). Gesonde kos.
Waaroor voel jy passievol anders as musiek?
Om minder plastiek te gebruik. Om cruelty free makeup te gebruik. En om vintage klere te koop en nie die groot fast fashion corporations te support nie. Daar is baie goeie documentaries op Netflix wat baie meer in diepte verduidelik waaroor hierdie topics regtig gaan en hoe almal ‘n verskil kan maak.
Saam met wie sal jy nog wil werk?
Francois van Coke, Elandrè, Roan Ash, Early B, om net ‘n paar te noem.
Watter vraag word jy meestal gevra deur mense oor jou career?
“Skryf jy jou eie liedjies?” 🙂
Wat sal jy graag wil hê mense moet weet van jou?
Dat ek my eie liedjies skryf. Ek is my hele loopbaan van 11 jaar nog altyd betrokke in elke aspek van die journey. Ek is ‘n singer-songwriter en deel van die kuns en hart van my musiek is om self te skryf wat ek perform, dis hoe ek myself express en fulfilled raak.
Ek co-write en co-produce saam met mense na wie ek op kyk en by wie se werk ek persoonlik aanklank vind bv. Hunter Kennedy. Ek is nie net iemand wat daar kan staan en ‘n liedjie in my hand gedruk kan word en dit net sing. Party mense is net performers en doen dit so en daar is niks fout daarme nie, maar dit was en is nie ek nie.
Ek wil hierdie geleentheid gebruik om vir Janie Bay dankie te sê vir hierdie onderhoud. Ek wens haar als van die beste toe met haar toekomstige musikale avonture.
Wees op die uitkyk vir gereelde opdaterings in the Music kategorie op Running Wolf’s Rant.
35 - 35Shares
- 35Shares
35
