Fokofpolisiekar speel die 21ste Mei by Park Acoustics in Pretoria en as jy al by ‘n Pretoria Fokof show was, sal jou gut vir jou sê dat hierdie ‘n moerse jol gaan wees, veral as daar bands soos The Tazers en The Black Cat Bones deel van die dag se line-up is.
Die bende is besig die laaste ruk en werk hard om hulle eerste vol lengte studio album in 11 jaar onafhanklik vry te stel in Oktober 2017. Fokofpolisiekar se nuwe album is defnitief een van die mees anticipated album releases van 2017 en Fokof fans sien heavy uit daarna. Die feit dat hulle crowdfunding veldtog suksesvol is, is ‘n defnitiewe bewys wat nie ge-ignoreer kan word nie.
Ek het bietjie met Jaco “Snakehead” Venter (die drummer van Fokofpolisiekar) gesels oor hulle crowdfunding veldtog, die nuwe album en Park Acoustics. Hier is wat hy te sê gehad het:
Fokofpolisiekar het onlangs ‘n Crowdfunding veldtog geloods waarvoor oor die R700,000 al ingesamel is. Is dit wat julle verwag het en dink julle dat julle die R800,000 merk gaan bereik en Gauteng ‘n gratis show gaan kry?
Ons is weggeslaan deur die reaksie tot dusver. Ons het ons gedink ons sal moontlik R500K kan insamel oor die 2 maande tydperk, nie in 9 dae nie! So natuurlik het die idee van oor die merk gaan nooit eers opgekom by ons nie. Hopelik kan ons nog tot by R800K kom en daai show speel. Dis altyd n plesier om vir die mense van Gauteng te speel.
Ek’s seker daar is baie mense wat nuuskierig en opgewonde is oor die nuwe album, wat kan fans verwag van hierdie musikale produksie? Kan ons ‘n musikale wending soos ‘n operette verwag?
Haha! Nee, ek dink ons is nog n paar jare weg van opperette af. Ons is self nog nie heeltemal seker wat die dominante klank is op die album is nie. Die demos is nog redelik uiteenlopend. Baie kan nog verander in die volgende maand voor ek moet gaan dromme opneem so vra my miskien weer oor ‘n maand of so. Ek dink ons almal is in konsensus dat daar rock songs op moet wees. Hopelik nie kakkes nie…
Wat is die snaakse ding wat al met julle gebeur het by ‘n Pretoria show?
Ons almal het ‘n bietjie geheue verlies opgedoen oor die jare – ons onthou dinge beter as ons almal saam sit en praat daaroor; elke individu onthou iets anders en so kan ons n geheelbeeld skep. Verlede maand het n vriend van ons ge-crowdsurf by ‘n show in pretoria. Hy het eers sy vol glas brandewyn stukkend gegooi op Johnny se pedals en toe gespring en op sy gesig neer gedonner. Nie noodwendig die snaakste ding nie maar ek kan dit op my eie onthou!
Hoe sou jy sê het die musikale landskap verander in Suid-Afrika sedert 2003? (omtrent toe julle dit betree het)
Die bands se standaarde het gelig en daar is minder plekke om te speel as jy ‘n jong band is. Local festivals word ook nou van verwag (al vir ‘n paar jaar) om ‘n internasionale headliner te he. Dis great aan die een kant aangesien dit local bands blootstel aan die internasionale ouens se standaarde en Suid Afrika op die circuit sit maar dit skep ook ‘n indruk dat ‘n musiekfees nie gaan lekker wees as daar nie internationals is nie.
Julle het al ‘n paar keer by Park Acoustics gespeel, wat gaan anders wees met julle optrede op die 21ste Mei?
Seker maar niks. Vyf middeljarige mans wat die kuns van kopskud, drink en vloek probeer bemeester.
Ek wil van die geleentheid gebruik om vir Snake en Fokofpolisiekar dankie te sê vir hierdie onderhoud. Ek kan nie wag vir hulle show op die 21ste Mei nie. Ek polish my drinking shoes en maak myself reg vir die aerobics voor die stage. As die opgewondheid vir die 21ste Mei se edisie van Park Acoustics nie nou uit jou ore uitloop nie, is daar iets verkeerd met jou.
As jy nog nie kaartjies vir Park Acoustics het nie, koop dit hier of try jou luck in ons kompetisie, ons gee twee kaartjies weg.
Wees op die uitkyk vir gereelde opdaterings in die Music & Interviews kategoriëe op Running Wolf’s Rant.
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
