“Hardloop Weg!” is ‘n enkelsnit van Die Heuwels Fantasies se nuwe album Herverbeel af. Die album word op die 11de Desember 2020 uitgereik. Pierre Greeff het die liedjie 3 uur die oggend op sy selfoon geskryf.
Met Herverbeel pak Die Heuwels Fantasties nuwe verwerkings en akoestiese weergawes van hul treffers, sowel as unieke samewerkings met verskeie kunstenaars aan. Die idee was om met `n ander perspektief te kyk na bestaande Heuwels songs.
Gunsteling-treffers word op hul kop gedraai met verfrissende produksie-style. Tresor, Tarryn Lamb, Laudo Liebenberg, Ampie, Die Krefies, Loki en Margot Rothman en 19-jarige Chxrl is van die bekende kunstenaars wat op die album saam met die groep verskyn.
Pierre Greeff sê dat hulle nie kan wag vir mense om “Hardloop Weg!” te hoor nie
“Die skepping daarvan het gevoel soos ‘n letterlike, onwillekeurige uitvloeisel. Ek en Fred het daarna die lied eintlik baie gou aanmekaar gesit. Deur die jare kon ek op my een hand tel wanneer die skryf-proses so maklik gebeur het en gewoonlik is daai nommers nogal spesiaal. Dit voel ook, bygesê, soos ‘n lied vir hierdie tyd waarin ons nou leef. Hoop mense voel hom ook.”
Hunter Kennedy lewer kommentaar oor Herbeveel
“Om ons liedjies te ‘herverbeel’ was `n great manier om weer ‘n kalklig op ou songs te skyn. Ons het vroeër die jaar ‘n vollengte album (2021) uitgereik en in die middel van die jaar was daar die ‘Live in Lockdown’ album van ons livestream CD launch in Mei. Ons het natuurlik nie tydens die inperking getoer nie en dit het dus soos die perfekte tyd gevoel om “Herverbeel” aan te pak. Dit was vir my `n redelike maklike proses, want die lirieke is darem alreeds geskryf. Ek is opgewonde oor baie van die collabs.”
“Die verskillende vervaardigers het mooi gemaak om die liedjies soos nuwe songs te laat klink. Dit was vir my nogal bucket list stuff om die kans te kry om saam met Tresor te werk. Margot se Mej Sonneblom is uitstekend. TeeJ het weereens ‘n great job gedoen, Ampie en Murray Lubbe se weergawe van ‘Ons Moet Leef’ voel soos ‘n ou classic, maar ook heeltemal anders – om maar net `n paar te noem. Almal wat saamgewerk het op die album het uitmuntunde werk gelewer.”
“Hardloop Weg” is op vandag uitgereik en Herverbeel sal vanaf 11 Desember 2020 op digitale platforms beskikbaar wees. Die Heuwels Fantasies was baie beïndruk met Hugo Brand, die DOP wat aan die video van “Mejuffrou Sonneblom” gewerk het. Brand het vir “Hardloop Weg” in die regisseur-stoel geklim en die video in twee dae saam met die band geskiet. Die aktrise Rolanda Marais speel ook in die video. Kyk dit hier onder.
Jy kan “Hardloop Weg!” HIER stroom of download.
Hou jou ogies oop vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koppie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly oor die beste Suid-Afrikaanse musiek.
🎵 Verken ons Music Hub: Check bietjie ons Music Hub uit vir meer resensies, nuus en aanbevelings.
📅 Kry goeters om te doen: Check ons Upcoming Events of die SA Gig Guide uit.
🔥 Popular Articles: Kyk wat ander mense lees by ons Popular Articles.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
