Vandag sien die vrystelling van Jako Meyer se eerste nuwe enkelsnit vir die jaar, genaamd “Oor My Voete Val”. Jako Meyer het ’n besige paar maande as akteur agter te die rug – waartydens hy ’n hele paar advertensies geskiet het en ook ’n draai op Green Planet Productions se Tweede Skoot gemaak het.
Maar iewers aan die begin van 2024 het die inspirasie vir en behoefte aan musiek skryf weer aan sy deur kom klop.
Jako Meyer vertel ons oor die laaste paar maande
“Ek dink met my besige skedule het ek het vir seker bietjie ‘writersblock’ beleef, en gelukkig het hierdie lekker lied homself aan my kom voorstel.”
“Ek dink ek het oor die algemeen die behoefte om meer upbeat songs te skryf. Baie van my vorige liedjies is maar ballades, en ek voel ek is weer in ‘n fase in my lewe waar ek die mooi en die lekker in dinge kan raaksien.”
“Oor My Voete Val” is in Februarie in Potchefstroom opgeneem en is vervaardig deur Johan Viljoen van Hoogtepunt Productions. Johan en Deon Meiring het ook hand bygesit met die skryf van die liedjie.
Met treffende kitare, lirieke en melodieë en Jako Meyer se kenmerkende groot kore, beskryf hy sy nuutste enkelsnit as ’n ‘goeie tyd’.
Liries is dit nie te diep of ingewikkeld nie, en hy wou spesifiek ’n liedjie skryf waarna mense lekker kan luister en waarby oud en jonk kan aanklank vind.
“Daar is altyd daardie een persoon wat jou oog vang. Oor my voete val gaan oor daardie persoon.” sê Jako Meyer.
Jy kan “Oor My Voete Val” HIER stroom / aflaai.
Hou jou ogies oop vir gereelde opdaterings in die Music News kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
