Die winter mag ysig wees, maar Jay du Plessis is terug met ’n lied wat beslis die koue sal verdryf. Sy splinternuwe enkelsnit, “Dans Die Vlamme Dood”, is nou beskikbaar op alle digitale platforms – en dit’s alles wat jy nodig het om jou voete te laat beweeg.
“Dans Die Vlamme Dood” is ’n energieke dans- en popsnit wat die vreugde vier van liefde en saamwees. Die liedjie vertel die storie van ’n man wat sy geliefde herinner aan die goeie tye wat nog voorlê – ’n tema wat perfek pas by Jay se styl én by elke luisteraar wat ’n bietjie lig in die donker dae van winter soek.
Met sy pakkende melodie en positiewe boodskap is dié snit ideaal vir ’n Vrydagaand vol dans en ontvlugting van die week se stres.
Jay Du Plessis “Dans Die Vlamme Dood” is ’n Liedjie Met ’n Persoonlike Hartklop
Wat hierdie liedjie besonders maak, is die storie agter die woorde. Dit is geskryf deur Jay se goeie vriend, die oorlede Johan Oberholzer, wat vroeër vanjaar tragies oorlede is. Jay vertel:
“Ek wens ek kon Johan vra wat sy inspirasie was. Maar dit maak die lied vir my selfs meer persoonlik en emosioneel kosbaar.” sê Jay.
Die produksie is behartig deur Werner Beukes, ’n musikale vennoot van lank gelede. “Dit was heerlik om weer met Werner saam te werk ná soveel jare. Ons is reeds besig met nóg iets opwindends – so hou gerus dop,” sê Jay met opwinding.
Hoewel daar nie tans ’n musiekvideo beplan word nie, is ’n liriekvideo in die pyplyn – perfek vir aanhangers wat wil saam sing en dans.
Jay sê verder: “Ek wil hê mense moet beweeg – dis presies wat hierdie lied doen. Dis warm, vol energie en lewenslus. Ek is dankbaar vir elkeen wat saam met my dans.”
“Dans Die Vlamme Dood” is nou beskikbaar op alle digitale stroomdienste soos Apple Music, Spotify en Deezer. Draai die volume oop, trek jou dansskoene aan en laat Jay du Plessis jou winter warmer maak!
Luister “Dans Die Vlamme Dood” HIER.
Hou jou ogies oop vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
