Afrikaanse musiekliefhebbers kan uitsien na ‘n splinternuwe treffer van Manie Jackson! Die geliefde sanger het onlangs sy jongste enkelsnit, “My Ou Vrystaat,” vrygestel. Dis ‘n opgewekte lied wat luisteraars op ‘n nostalgiese reis deur die pragtige Vrystaat neem.
Manie Jackson is al meer as twee dekades bekend vir sy uitsonderlike stem en sielvolle vertolkings van liefdesliedjies, country-treffers en volksballades.
Met “My Ou Vrystaat” bring hy ‘n vrolike, dansbare huldeblyk aan sy geliefde provinsie. “Dis ‘n lekker vrolike liedjie, reg vir die vakansietyd, en dit gaan oor die Vrystaat, waar ek al vir die afgelope 10 jaar woonagtig is!” sê Manie self.
Die lied, geskryf deur Manie en Werner Beukes, is opgeneem in Werner se ateljee en word bemark deur Platinum Musiek.
Die snit het reeds radiostasies se speellyste gehaal en het binne ‘n kort tydjie die nommer 1-posisie op IFM 102.2 se Plaaslike Top 30 bereik! “Dit bewys net weer… maak nie saak watter genre hy aanpak nie, hy doen dit voluit en met hart en siel,” sê Marius de Vos (Musiek liefhebber, versamelaar & navorser).
Meer inligting oor Manie Jackson
Manie Jackson se indrukwekkende loopbaan sluit talle toekennings en benoemings in, insluitend ‘n SAMA-toekenning vir die beste country-album en verskeie Huisgenoot Tempo- en Ghoema-benoemings.
Hy het reeds agt ateljee-albums vrygestel, waarvan almal kommersiële sukses behaal het met Goud, Platinum, Trippel Goud en Dubbel Platinum-status. Sy verkope het reeds 350 000 eenhede oorskry, en hy word beskou as een van die topverkopers in die Afrikaanse musiekbedryf.
Sy nuutste enkelsnit, “My Ou Vrystaat,” is ‘n lied wat luisteraars aan die hart sal raak – ‘n regte Blikore-treffer wat Vrystaters en musiekliefhebbers regoor Suid-Afrika sal laat saamsing en dans.
Jy kan “My Ou Vrystaat” HIER stroom / aflaai.
Hou jou ogies oop vir gereelde opdaterings in die Music News kategorie op Running Wolf’s Rant.
🐺 Ondersteun Ons: Koop vir ons 'n koppie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly oor die beste Suid-Afrikaanse musiek.
🎵 Verken ons Music Hub: Check bietjie ons Music Hub uit vir meer resensies, nuus en aanbevelings.
📅 Kry goeters om te doen: Check ons Upcoming Events of die SA Gig Guide uit.
🔥 Popular Articles: Kyk wat ander mense lees by ons Popular Articles.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
