Die Heuwels Fantasties maak al waves deur die Suid-Afrikaanse musiekbedryf sedert 2009 en het deur die jare hulle-self gevestig as een van die mees-hardwerkende orkeste in die land. Hulle het ook al ‘n reputasie gewerf vir hulle goeie en lewendige optredes by feeste soos Liefde By Die Dam, Oppikoppi en Lush Festival (om maar net ‘n paar te noem).

Hulle tree op by Liefde By Die Dam op die 6de Augustus (by Emmmerentia Dam in Johannesburg) en is een van die redes hoekom kaartjies besig is om soos soetkoek te verkoop vir die 2de edisie van hierdie toonkrul-lekker eendag fees.

Ek het met Pierre Greeff van Die Heuwels Fantasties gesels oor hulle optrede by die fees en so paar ander goedjies, hier is wat hy te sê gehad het:

Baie mense het dit seker al vir jou gevra, maar waar kom “Die Heuwels Fantasties” se naam vandaan?

Ja nee baie…maar basically die heuwels hier in Bellville en Durbanville om waar ons groot geword het, het dit inspireer en ons wou ‘n naam hê wat mense laat lekker voel as hulle dit hoor.

Hoe sou jy sê het die SA Musiek bedryf verander sedert 2009 (toe julle begin speel het)?

Daar is soveel meer talent en die hoeveelheid musikante wat lekker musiek maak, het sekerlik verdubbel.

Wat is die interessantse ding wat al met julle gebeur het terwyl julle ‘n show gespeel het?

Die stage het al gebreek by een van ons optredes en ek het amper my been gebreek.

Wat kan musiekliefhebbers verwag van julle set by Liefde By die Dam 2017?

Baie van ons nuwe tunes van ons vyfde album, Okay! af en colabs met Francois van Coke en JR.

Ek wil die tyd gebruik om vir Pierre en Die Heuwels Fantasties dankie te sê vir hierdie onderhoud. Ek wens hulle als van die beste toe met hulle set by Liefde By Die Dam 2017 en hulle toekomstige musikale endeavours.

As jy nog nie kaartjies het vir Liefde By Die Dam 2017 nie, kry joune HIERSO.