Neil Sandilands sing duet mat Tarryn Lamb

Blitsoorsig: Bekende akteur Neil Sandilands en sanger Tarryn Lamb het saamgewerk aan "Kômmôsêdiesê", 'n nuwe duet. Die liedjie is geinspireer deur Neil se tyd op 'n filmstel in Meksiko waar hy die Delta Variant opgedoen het en met tradisionele Mayan-mense en Spaanse akteur Daniel Garcia gewerk het. Die liedjienaam kom van 'n Spaanse uitspraak wat soos Afrikaans geklink het.

Bekende internasionale akteur, sanger en liedjieskrywer, Neil Sandilands span kragte saam met die lieflike en talentvolle sanger, Tarryn Lamb en die resultaat is ‘n meesterstuk. “Kômmôsêdiesê” is geinspireer deur ‘n ervaring op stel tussen Neil en ‘n bekroonde Spaanse akteur.

Neil Sandilands vertels ons oor die inspirasie agter die liedjie

“Iewers in die Covid-jare het ek myself in die oerwoud neffens Coba, Meksiko bevind. Plek van Tarantulas, Spinnekop-Ape, varswatergrotte en natuurlik die Mayan Piramides. Op ‘n filmstel.”

“Dis ook waar ek redelik siek geword het van die Delta Variant. Ek het saam met tradisionele Mayan-mense gewerk, asook die bekroonde internasionale Spaanse akteur, Daniel Garcia.”

“Ons kon mekaar nie verstaan nie, maar met behulp van ‘n tolk kon ek vasstel dat die Spaanse uitspraak van “Hoe sê mens dit?”, klink soos geassimilleerde Afrikaans – “Kômmôsêdiesê”. Dit word eintlik só gespel: “Como se dice”, maar vir my Afrikaanse ore het dit geklink soos “Kômmôsêdiesê”… Kom ons praat dié ding,”

“Dit handel oor my atomiese-tipe bestaan en die ewige hunkering. Dis miskien teweeg gebring deur die noue skouerskuur met my eie “mortaliteit”. Ek onthou dié tyd se pragtige fatalisme.”

Dié duet, met die soel stem van Tarryn Lamb, is geïnspireer deur dié ervaring, in Meksiko. “Kômmôsêdiesê”, is beskikbaar op Neil Sandilands se Allegaarkie vir ‘n Askeet album.

Meer inligting oor Neil Sandilands

Neil Sandilands is ‘n Suid-Afrikaanse akteur en filmmaker, bekend vir rolle in beide film en televisie en vir sy veelsydigheid in rolprentvervaardiging. In 2016 het hy herhalende rolle op Sundance TV se Hap & Leonard as Paco en The CW se The 100 as Titus gehad. In 2017 het hy by die hoofrolverdeling van The CW-reeks The Flash aangesluit en Clifford DeVoe / The Thinker gespeel.

Hou jou ogies oop vir gereelde opdaterings in die Music News kategorie op Running Wolf’s Rant.

Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.

Sluit Aan By Die Wolfpak

Help Om Ons Aan Die Gang Te Hou

Verken Running Wolf's Rant