“As ek kon” is ‘n klavier-gedrewe ballade wat geskryf is vir Francois van Coke se dogtertjie, Alex Lila. Sy is ook ‘n ster in hierdie video! Dit is die vierde musiekvideo vanaf Francois se derde solo album genaamd Dagdrome in Suburbia.
Francois en sy platinum skryf-vennoot, Karen Zoid, het hierdie ballade saam geskryf. Fokofpolisiekar mede-groepslid, Johnny de Ridder, speel die klavier en het die snaar gedeeltes gerangskik vir hierdie liedjie.
“As ek kon” se musiekvideo is by Sunset Recording Studios buite Stellenbosch verfilm deur Johannes Pieter Nel, wat ook “Daarsy boys” gemaak het. Ek beveel aan dat jy snesies naby hou vir hierdie ene.
Kyk na die musiekvideo vir “As ek kon” hier onder:
As jy ‘n traantjie gepik het, vee maar daai traantjie weg met die snesie en lees verder, daar is nog Francois Van Coke nuus…
Nog ‘n musiekvideo vanaf die album Dagdrome in Suburbia
Die legendariese “bromance” tussen Francois en Riky wat gesmee is tydens The Voice SA 3 het oorgespoel na sy nuwe album en die verhoog tydens Francois van Coke & Vriende. “Not Like Them” is die enigste Engelse lied op die album, Dagdrome in Suburbia.
Die musiekvideo vir “Not Like Them” was by Levi’s Haus Afrika in Johannesburg bekend gestel op 28 November. Die Levi’s baadjie wat Francois in die video dra is daar met ‘n laser gedruk.
Hierdie musiekvideo vier diversiteit en is verfilm deur André Badenhorst.
O ja, daar is nog nuus…
“Dagdrome In Suburbia” se musiekvideo is ‘n massiewe treffer onder Francois se ondersteuners. Die liedjie sweep luisteraars op soos geen ander Francois van Coke liedjie nie! Die musiekvideo is verfilm deur mede Fokofpolisiekar groepslid, Jaco Snakehead Venter.
“Daarsy boys” is vining besig om ‘n “cult classic” te raak onder “cool” ouers in die burbs reg oor die land. Die video is gemaak deur Johannes Pieter Nel. Hunter Kennedy spog met ‘n bietjie rymkletsery!
Waar kan jy Francois Van Coke live sien in Desember?
As jy in Kaapstad is, check hom uit by die CTICC op die 14de Desember 2019. Dis ‘n Akoestiese “storytellers” konsert wat nogals spesiaal gaan wees. Kry jou kaartjies HIER.
Jy kan hom ook sien by Hartenbos in Afrikaans op die 27 / 28ste Desember by ATKV Hartenbos Amfiteater. Kry jou kaartjies HIERSO. Francois Van Coke jam ook oujaarsaand in Jeffrey’s Baai by J-Bay Rocks.
Wat dink jy van die “As ek kon” musiekvideo? Los kommentaar hier onder en laat my weet! Ek wil graag van jou hoor.
Wees op die uitkyk vir gereelde opdaterings in die Music Videos kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
