Die Heuwels Fantasties speel die 29ste Julie 2018 by Park Acoustics in Pretoria. Ek het onlangs met Pierre Greeff (die groep se hoofsanger) via e-pos gesels oor hierdie opwindende eendag fees in die 012 en so paar ander goedjies. Hier is wat hy te sê gehad het…
Julle het onlangs ‘n liedjie saam met Francois van Coke opgeneem (“Ek Lewe, Ek Belowe”) – Vertel ons bietjie oor die proses en gee ons so bietjie inside info.
“Ons het die hele nuwe EP by die ateljee wat ek, Fred en Hunter saam begin het record checkit uit by www.thenothing.club, dis basies ‘n klubhuis vir vibes! Dis ons derde colab saam met Frannie oor die laaste tien jaar en hierdie ene is defnitief die mees energiek… Dit liedjie was ‘n ou idee wat op sy laaste album moes kom, maar nooit voltooi is nie, ons het baie daarvan gehou en gesê kom ons maak dit ‘n colab flip dit bietjie en siedaar. Dit laat my baie lekker voel en terug verlang na die musiek wat ons op hoerskool geluister het.
Hoe sou Pierre Greeff sê het die musiekbedryf verander in Suid-Afrika sedert julle dit binnegetree het in die laat 2000s?
“Meer mense het nou toegang tot die internet en alhoewel ons , ons eerste liedjie ooit gratis vrygestel het op loadtheshow.co.za (wie onthou nog hom?) in die tyd wat MySpace en Napster huge was en Facebook, WhatsApp en Instagram nog nie bestaan het nie….voel dit nou meer as ooit of ons hunker terug na die “tactile” – dis opwindend en die toekoms voel interessant om die minste te sê.”
Wat is julle gunstelling liedjie om te speel as julle ‘n live show doen en hoekom?
“Ek dink “Klein Tambotieboom” is spesiaal omdat dit so eenvoudig is maar tog nie. Daardie liedjie het ons gehoor defnitief hulle eie gemaak en die stories is merkwaardig.”
Wat kan ons van Die Heuwels Fantasties verwag in die res van 2018?
“Wie weet mens? Met ons wat nou ons eie ateljee tot ons beskikking het is enigeiets moontlik….Ons is self nooit regtig seker wat ons gaan doen voor ons net wegspring nie.”
Wat kans musiek-liefhebbers van Pierre Greeff en Die Heuwels Fantasties verwag by Park Acoustics op die 29ste Julie 2018?
“Ons het onlangs ‘Alles Van Die Beste’ (‘n versameling CD/DVD combo) uitgebring om tien jaar, 5 albums en 34 musiekvideos te vier. Jy kan ietsie van als verwag! Dis altyd ‘n fees in die fort.”
Ek wil hierdie geleentheid gebruik om vir Pierre Greeff en Die Heuwels Fantasties dankie te sê vir hierdie onderhoud. As jy nog nie kaartjies het vir die volgende Park Acoustics wat op die 29ste Julie gebeur by Fort Schanskop in Pretoria nie, klik hier om kaartjies te koop.
Wees op die uitkyk vir opdaterings in die Music kategorie op Running Wolf’s Rant.
Wil jy jou besigheid, gebeurtenisse, produk of diens bemark? Ons kry meer as 14,000 bladsy-kyke elke maand! Kontak Ons vir bemarkings en reklame opsies.
