Resensie: Jack Parow by Arcade Empire

0
1424
views

As ek terug dink aan my top twee kuiers van 2017 sal ek sê dit was beslis die laaste Hotbox party en ‘n sekere aand aan die einde van November by Aandklas. Wat het hierdie twee kuiers in gemeen, wonder jy? Net een persoon: Jack Parow. Op 16 Februarie het Jack weer bietjie Pretoria op horings kom neem. En saam met hom het hy sy nuwe album, Afrika 4 Beginners gebring.

Arcade Empire was nog redelik stil vir ‘n Vrydag aand toe ons 8 uur daar opdaag. Ons was nogals verbaas, ons het gedink ons sal teen daardie tyd nie meer kon beweeg nie. Maar soos die tyd aangestap het, het meer en meer mense begin aankom. Dit was nie ‘n packed, oorvol aand gewees nie, maar ek kla glad nie. Dis lekker as mens beweeg ruimte het, en nie soos sardiens voel voor die mainstage nie.

Die eerste opening act was The Capitals. Ek het nog nie voorheen van hul gehoor nie, al bestaan hul al amper 3 jaar, maar was keen op te sien wat hierdie ouens sou op lewer. Hul het nie teleurgestel nie! Hul sound klink asof Blink-182 en Shortstraw ‘n lovechild gehad het. En so vreemd soos wat dit dalk klink, dit het gewerk!

READ:  Go Large On The Lawn with Jeremy Loops and Matthew Mole in November

So dit was net van pas dat hul ‘n cover van Blink-182 se “AllThe Small Things”gespeel het. Ek is beslis nou ‘n fan van die band (en ek sê dit nie net oor hul die aand daarna die hele Aandklas gekry het om vir my Happy Birthday te sing nie. I’m not biased like tha tat all). Ek kan sien hoe The Capitals nog groot dinge in die Suid Afrikaanse music scene sal bereik. Kyk maar uit wanneer jy hulle live kan sien.

SILVABLACK & The Midnight het die vibe van punk / indie (ja dit voel nog steeds weird om dit te sê) gevat na, wel, ek weet nie hoe om hul vibe te beskryf nie. En al het voorheen van hul gehoor, sou dit nie gehelp het nie… Hul het dan self op Facebook so gesê. Op ‘n vroeg oggend post waar hul die showpromote, het hul gesê: “[This will be] A show that will fuck up any idea yout houghtyou had as to what kind of music we create!”.

Al wat ek weet is dat ek hul eerste paar songs gelove het. Ongelukkig was ek toe weg gesleep bar toe, want blykbaar is dit tradisie dat mense vir ‘n verjaarsdag meisie shots koop.

READ:  6 notable great live music performances

Ons was darem betyds terug by die mainstage vir die main act – Jack Parow. Vol energie soos altyd, hy het elke persoon aan die Dans Dans Dans gekry. Dit help seker ook dat Parow Jägermeister in die mense heel voor aan die stage se kele afgooi het (ek sou dit nie op daardie oomblik kon handle nie). Ek het ou gunstelinge soos “Bloubek”, “Bring Your Friends”, “Hard Partytjie Hou”, “I Miss”, en“Hosh Tokolosh” (ja Gazelle, ons mis jou!).

Natuurlik het Parow ook songs van sy nuwe album, Afrika 4 Beginners, gespeel, die show was immers sy album launch tour. ‘n Klomp mense het heeltemal uitgehak op “Boepens Vark” en “Bang Babbelas”. Dit was loshande, weereens, een van Parow se beste shows gewees (en ja ek weet ek sê dit elke keer wat ek hom sien).

Afrika 4 Beginners is nou landswyd beskikbaar. As jy ‘n fan is van Jack Parow, kry beslis vir jou copy. En as jy nie ‘n fan is nie, kry in elk geval een, want jy sal nou een word!

Wees op die uitkyk vir gereelde opdaterings in die Music kategorie op RWR.

PS: Die fotos is geneem deur Ferdie Snyman.

LEAVE A REPLY

Please enter your comment!
Please enter your name here