Straatligkinders is een van groepe wat die naweek optree by die eerste edisie van Park Acoustics vir 2019. Die groep (wat hul oorsprong gehad het in Potchefstroom in die mid 2000’s) het in 2018 hulle eerste album in 6 jaar uitgereik.
Ek het onlangs met groep se hoofsanger Bouwer Bosch gesels oor Park Acoustics en so paar ander goedjies. Hier is wat hy te sê gehad het.
Dis die begin van ‘n nuwe jaar en Straatligkinders skop Park Acoustics 2019 af saam met ander groot name soos Fokofpolisiekar en Retro Dizzy. Is julle net so excited soos ons vir hierdie party van ‘n line-up?
Ja nee flip, ons is ongelooflik humbled om deel te wees van so ‘n epic lineup. Ons kan nie wag vir die show nie!
Straatligkinders was vir ‘n hele lang ruk stil gewees (6 jaar basies), maar as mens so na jul upcoming shows kyk lyk dit of 2019 ‘n bedrywige jaar gaan wees. Enige groot planne wat jul met ons kan deel, soos nog ‘n nuwe album wat gaan verskyn so vinnig na Verdwyn?
Ja nee kyk, ons is baie honger om te speel. As jy vir so lank vakansie gevat het kom jy terug met ‘n groot honger vir live shows. Op die oomblik is die plan maar net om die musiek oral te vat waar ons kan.
As jy ‘n musikant is, is jy maar ‘n traveling salesman, so ons wil maar travel en gaan musiek maak. Ons is defnitief gretig om weer aan die skryf te kom maar jy moet jouself pace en jou eie album ook tyd gee om bietjie te broei.
Albums het nodig om eers bietjie op mense te groei voor jy wegstap na ‘n nuwe een voel ek. Daar is nog heelwat songs op daardie album wat ons van videos wil maak en nog deel met Suid Afrika. Singles is maar sterker as albums so ons wil aanhou singles push.
Ek het in 2008 vir die eerste keer regtig in Afrikaanse musiek begin raak (dankie MK89). Sweef Soos ‘n Vuishou was een van die eerste albums wat ek met my eie geld gekoop het. In hoërskool het ons pouses op MP3 players na jul musiek geluister.
Kan ons uitsien na ‘n paar van Straatligkinders se ouer, “nostalgiese” songs by Park Acoustics? Dalk songs soos “Kan Ek Met Jou Dans”, “Gedagte Vir Die Dag” en “Avontuur Van ‘n Hartbreek”?
Ja nee, ons live show bestaan uit omtrent helfte ou songs van ons vorige albums.
Daai songs beteken vir ons net so baie soos wat dit vir luisteraars beteken so jy gaan defnitief al drie daardie songs hoor Sondag sowel as ‘n paar ander wat op daai albums was.
Die 10-year challenge was nou onlangs ‘n groot ding op social media. As jul Straatligkinders se sound van tien jaar terug moet vergelyk met hoe dit nou is, hoe sou jul die beskryf?
Sjoe, great vraag. 10 Jaar terug was ons defnitief ‘n hardcore rock band en vandag dink ek is ons net ‘n rock band. Ek skree nie meer, hoe ouer jy word hoe rustiger word jy kom ek agter, nou wil ek praat oor dinge in plaas om te skree oor dinge soos toe ek jonger was.
Is daar enige verrassings wat wag by Park Acoustics vir dié van ons wat Bouwer Bosch en Straatligkinders nog nie voorheen live gesien het nie?
Ek dink die mense kan maar uitkyk vir ‘n paar nostalgiese treffers uit die argiewe. Hein en Benjamin geen tekere op stage asof hulle 16 is en ek staan stil asof ek 87 is. #DankieInsecurites
Ons hou van live speel so jy kan maar net ‘n fun 45 min slot verwag met lekke tunes en lame grappies. Ek werk aan my standup loopbaan so tussen al die songs.
Ek wil vir Bouwer Bosch en Straatligkinders bedank vir hierdie onderhoud. Ek sien nogals erg uit om hulle die naweek te sien.
As jy nog nie kaartjies vir die naweek se Park Acoustics het nie, kry joune HIER.
Wees op die uitkyk vir gereelde opdaterings in die Music kategorie op Running Wolf’s Rant.
Like what you just read? Subscribe To Our Newsletter to stay in the loop.
Feel free to explore our website or check out our Featured Articles.
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
