Fokofpolisiekar is besig om hulself reg te trek vir een van die opwindendste en opregste musiekvrystellings van 2017. Die offisiële vrystellings datum van hul eerste vol lengte album in 11 jaar, “Selfmedikasie”, is Dinsdag, 3 Oktober. Die digitale voorafverkope van hierdie album skop af op 12 September, maar Fokofpolisiekar se mees entoesiastiese ondersteuners het vandag die album gekry.
Fokofpolisiekar se ongelooflike lojale aanhangers was so opgewonde oor die vooruitsig van hierdie album dat die groep oor die R1 miljoen ingesamel het om die album se produksie en die veldtog se addisionele kostes te dek.
In die huidige moeilike ekonomiesetye is dit ‘n testament van wat moontlik is wanneer ‘n musiekgroep getrou bly aan hulself en ‘n lojale gevolg gebou het. Gedurende die skare finansierings veldtog het Fokofpolisiekar hul aanhangers se ondersteuning beloon met gratis vertonings in Kaapstad en Johannesburg toe hul doelwitte een-vir-een bereik is.
Die groep vat dit nou een stap verder deur “Selfmedikasieaan” vir almal te gee wat die skare finansierings veldtog ondersteun het en dit ‘n maand voor die album se offisiële vrystelling.
Vanuit die 1531 beloftes wat ontvang is vir Fokofpolisiekar se goedere tydens die veldtog, was 1281 vanaf unieke ondersteuners en 545 mense het geld belowe om ‘n digitale kopie van die album op 5 September te ontvang.
“Die intreevlak van die #fokofcrowdfunding was ‘n digitale kopie van die album teen R80 met die voordeeldat die album ‘n maand voor sy vrystelling afgelaai kan word. Dit het egter nie reggevoel om nie die album te gee aan mense wat beloftes gemaak het vir die plaat, CD en ander aanbiedinge soos ‘n akoestiese vertoning nie. In realiteit sou hulle dan eers die nuwe musiek ‘n paar weke kry nadat die digitale kopie beskikbaar gemaak is, en dit sou nie lekker wees vir dié mense nie. Ons wil hê dat almal wat die maak van hierdie album ondersteun het, “Selfmedikasie” op dieselfde tyd geniet, maak nie saak of hulle R80 of R10,000 spandeer het nie,” sê Wynand Myburgh.
Francois van Coke voeg by dat “ons het opgeëindig om drie ekstra liedjies te skryf en op te neem. Mense het die maak van ‘n 10-snit album ondersteun, maar ons het so geïnspireer gevoel deur al die ondersteuning met die skare finansierings veldtog dat ons nog drie geskryf het en ons het die begroting gehad om hulle op te neem. So die veldtog se ondersteuners kry ‘n 13-snit album!”
“Selfmedikasie” se albumomslag is ‘n Ouroboros. Hunter Kennedy, die groep se liriekskrywer, kitaarspeler en agtergrond sanger, verduidelik dat dit “die ewige siklus van self-vernietiging en hergeboorte” verteenwoordig. Dit gaan ook vir my oor verantwoordelikheid neem vir jou eie lot. Die album se lirieke is baie persoonlik van aard en die proses om dit te skryf was ‘n vorm van self-medikasie vir my en ek glo ook vir die ander manne.”
Ek het vroëer vanaand na die album deur geluister en ek dink dis legit. Vat een stywe dosis punk rock, meng dit met ‘n goeie paar lekker acoustic tracks en clever lirieke, en jy kry “Selfmedikasie”. Wel gedaan ouens. Hierdie album is absoluut befok en ek voorspel dat ek dit ‘n hele paar keer op repeat gaan luister en dat ek nooit gatvol vir dit gaan raak nie.
Die album se bekendstellingstoer gebeur in Oktober. Ondersteuners word aangeraai om van die voor-verkope opsie gebruik te maak (waar dit beskikbaar is), aangesien hierdie toer die potensiaal het om baie vining uit te verkoop.
- 7 Oktober 2017 – Rocking the Daisies, Darling, Wes Kaap
- 12 Oktober 2017 – Mystic Boer, Potchefstroom, Noord Wes
- 13 Oktober 2017 – Mystic Boer, Bloemfontein, Vrystaat
- 14 Oktober 2017 – Good Luck Bar, Johannesburg, Gauteng
- 15 Oktober 2017 – Atterbury Theater, Pretoria, Gauteng
- 27 Oktober 2017 – The Jock Pub & Grill, Nelspruit, Mpumalanga
- 28 Okotober 2017 – Arcade Empire Halloween Party, Pretoria, Gauteng
- 29 Oktober 2017 – Dozi’s Back to the Roots, Hartbeespoort, Noord Wes
Wees op die uitkyk vir gereelde opdaterings in die Music kategorie op Running Wolf’s Rant.
Like what you just read? Subscribe To Our Newsletter to stay in the loop.
Feel free to explore our website, check out our Featured Articles or scroll down to see the articles that are related to this article below. We've been around since 2008, so there's plenty of content.
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
