Dis nie gereeld dat dié Pretoria meisie buite die 012 venture nie. En nog minder gereeld dat mens al die pad Joburg toe sal travel vir ‘n Afrikaanse musiekfees. Maar dis juis wat gebeur het op 5 Augustus toe ek Liefde By Die Dam 2018 toe is.
Hier is my resensie vir Liefde By Die Dam 2018
Emmarentia Dam was weereens die prentjie mooi tuiste vir hierdie jaar se Liefde by bie Dam. Die weer begin nou net mooi saam speel ook, dis nie meer so ysig koud nie, maar dis ook nog nie dodelik warm nie. Maar buiten vir die mooi venue en lieflike weer het die eendagfees weereens gesorg vir ‘n dag vol lekker vermaak. Almal se gunsteling komediant, Schalk Bezhuidenhout, het MC gespeel vir die dag.
Jakaranda FM se eie Martin Bester het die verhoog geopen vir die dag. Ons het wel eers na sy set daaraan gekom (nie dat ek eintlik kla nie) maar dit het gelyk of die mense wat wel vroeg daar was, dit geniet het.
Ons het ook nie veel van Bouwer Bosch se performance gesien nie. Hier’s ‘n tip vir die organiseerders: maak dit dalk, net dalk, duidelik dat daar hierdie jaar nie kaart masjiene is by die bars nie, sodat ons weet ons moet cash moet bring, sodat ons nie byna ‘n hele set in ‘n ry moet staan om by ‘n ABSA trokkie geldjies te moet verkry nie.
Of nog beter, ‘n cashless card system maybe? Ek het wel gehoor Bouwer speel ‘n ou liedjie van Dans Dans Lisa wat ek gelove het op hoërskool, “My eks(skuus)”. Was lekker om dit weer te hoor, het al soortvan vergeet van daai.
Bongeziwe Mabandla het folk en soul gebring. Sy slow cover van Outkast se “Hey Ya” het besonders goed gewerk. Die crowd was wel verbaas dat hy in ‘n suit jacket nie warm kry nie (vreemde Afrikaners). Ek het wel Bongeziwe baie geniet. Die Vodka & Red Bulls het ook al lekker gevloei op daai stadium, alhoewel dit lank gevat het om nog te kry, nie dat die rye by die bars lank was nie, dit was net moeilik om van een kant van die crowd tot aan die ander te kom.
Karlien van Jaarsveld was ook by Liefde By die Dam 2018. Die meisies het haar baie geniet.
Wie love nou nie vir Koos Kombuis nie? En daar’s niks nuuts wat ek kan sê oor Oom Koos nie. Hys ‘n legend, uit en uit. “Johnny is nie dood nie”, “Liza se Klavier”, “Huise by die See”, Bicycle sonder ‘n Slot” en “Katie”. Ek dink nie daar was een song wat die crowd nie saam mee gesing het nie.
Elvis Blue was ook ‘n crowd favourite. Hy’t heel oulike songs gesing wat ek nogal geniet het, “Lighthouse” en “Spore”.
Jy weet jy’s in vir ‘n behoorlike party as Die Heuwels Fantasties en Francois van Coke op die line-up is. En dis presies wat die laaste twee ure by Liefde by die Dam 2018 was. Daar was selfs ‘n boksgeveg tydens “Sonrotse”, en dit was nie oor Francois saam met Die Heuwels Fantasties op stage gejoin het nie (maar ek moet erken, dit was nogal epic; die saam sing, nie die boksgeveg). Hoe dan anders as al die gunstelinge hoor: “Beloofde Land”, “Leja”, “Pille vir Kersfees”, net groot pret.
Dit was ‘n jammerte dat van die mense na Die Heuwels Fantasties begin loop het, want Francois van Coke se set was great. Weereens het Hunter van Die Heuwels Fantasties op die stage gejoin vir “Ek Skyn(heilig)” (hoe dan nou anders).
Francois van Coke en Die Gevaar het die dag op ‘n hoë noot geëindig. Die crowd wat wel steeds daar was het mal gegaan op “Toe Vind Ek Jou”, ons het almal saam gesing met “Dit Raak Beter As Jy Ouer Raak”. Self liedjies vanaf Van Coke se nuwe EP (“En Vriende”) is woord vir woord saam gesing.
Alhoewel daar ‘n paar haakplekke was deur die dag, was Liefde By Die Dam 2018 eintlik ‘n groot jol. ‘n Lekker gesins outing wat ‘n act vir elke smaak gehad het. Baie dankie Liefde by die Dam 2018, volgende jaar maak ons weer so.
Wees op die uitkyk vir gereelde opdaterings in die Music kategorie op Running Wolf’s Rant.
Like what you just read? Join The Wolf Pack! Subscribe To Our Newsletter.
Explore our website, check out our Featured Articles or scroll down to see the articles that are related to this article below. We've been around since 2008, so there's plenty of content.
If you're in South Africa and looking for something to do, check out The SA Gig Guide (on our sister site SA Music Zone).
If getting more knowledge is part of your DNA - Check out the latest posts on Interesting Facts.
