Christiaan Baartman se splinternuwe enkelsnit, “My Vrou”, is onlangs aan radiostasies landswyd vrygestel en nou volg die hoendervleis-mooi musiekvideo van dié hartroerende liefdes-liedjie wat ‘n blik gee op die troudag vanuit ‘n man se perspektief. Die lied en video is ‘n verklaring van ‘n man se liefde aan sy vrou en dat hy altyd daar sal wees.
Christiaan Baartmaan vertel meer oor die liedjie en sy musiekvideo
“It takes two to tango en met “My Vrou” hoop ek om die spesiale dag te help vorm in albei se oë. Ons het ’n ongelooflike span gehad wat saamgewerk het om lewe te gee aan hierdie video – Imperfect Perfection, Pink Flower Productions, Beautiful Change en Captivating Mobile Hair and Makeup. Dit was ’n ongelooflike ondervinding en ek is so opgewonde om die resultaat nou met almal te kan deel!”.
Christiaan Baartman het die liedjie saam met Jattie De Beer geskryf. Die liedjie praat vir diegene wat nie weet hoe om hulle gevoelens oor te dra nie en dien as spreekbuis vir mans wat sukkel om te sê hoe hulle voel.
Meer inligting oor Christiaan Baartman
Christiaan is al byna vir twee dekades in die musiekbedryf doenig en het sy eerste album in 2007 uitgereik toe hy twee-en-twintig was. In 2009 het hy ’n Huisgenoot Tempo-toekenning gewen vir Liedjieskrywer van die Jaar en sedertdien het hy twaalf nommer een-liedjies geskryf, waarvan sewe op sy tweede album – “Huppel In My Stap” (2012) – verskyn het.
Hierdie veelsydige kunstenaar het ook in 2016 ’n Ghoema-toekenning gewen, ‘n kinderalbum saam met die SAMA-bekroonde musikant, Leon Jonkman vervaardig, die finale rondte op Idols SA in 2006 berei, vir Smokie in 2012 geopen en by Huisgenoot Skouspel opgetree in 2007.
Verder het Christiaan Baartman saam met Johnny Late opgetree as die Bearded Man Band en put hy baie van sy inspirasie uit die lewe self. Voor Covid-19 het hy gereeld gereis om op hoogte te bly van die nuutste musiektendense en een van sy gunsteling-bestemmings is beslis Nashville, waar hy byna elke jaar ‘n draai gaan maak het tot op datum, behalwe vir hierdie jaar. Dié talentvolle musikant glo daaraan om musiek met betekenis te maak.
“My Vrou” is HIER aanlyn beskikbaar. Kyk die musiekvideo hier onder:
Wees op die uitkyk vir gereelde opdaterings in die Music Videos kategorie op Running Wolf’s Rant.
Jy sal dalk ook hiervan hou
-
Christiaan Baartman stel sy nuwe lied "Weskus-wals" bekend, 'n warm liefdeslied wat geïnspireer is deur die ware verhaal van twee mense wat onverwags verlief word.
Christiaan Baartman se nuwe enkelsnit "Om Jou Weer Heel Te Maak" ondersoek die pynlike waarheid dat liefde alleen nie altyd genoeg is om iemand se brokenheid te genees nie.
-
Christiaan Baartman gee 'n nuwe enkelsnit "Somernagte" uit, 'n poplied wat jeugherinneringe van liefde, hoop en vryheid opnuut laat opvlam.
Christiaan Baartman se nuwe liedjie "Vir Mekaar" moedig Suid-Afrikaners aan om saam te staan en 'n beter toekoms te bou vir almal.
