Francois van Coke het vandag sy En Vriende EP (aka “kortspeler”) vrygestel. Die EP het 4 opwindende liedjies op wat Francois saam met sy vriende opgeneem het.
Dit is al meer as ‘n jaar sedert die ikoniese rocker, Francois van Coke sy tweede solo album, Hierdie is die Lewe, vrygestel het. En nou is hy terug met waarna sy aanhangers die meeste uitsien – nuwe musiek.
Met behulp van Red Bull en Jägermeister het Francois ou en nuwe vriende nader getrek om sy En Vriende EP te maak en los te laat. Die kortspeler met vier snitte spog met epiese samewerkings met Jack Parow, Die Heuwels Fantasties, Early B en aKING se voorsanger, Laudo Liebenberg.
Die En Vriende EP se klank is groot. Dit wissel van rock tot punk tot hip-hop wat Francois se diversiteit as musikant onderstreep. Die idee vir die kortspeler is aangevuur deur die AMP Events produksie, Francois van Coke & Vriende, (in samewerking met kykNET en Jacaranda FM) wat op 15 September 2018 plaasvind by Sun Arena, Time Square in Pretoria.
“Al vier van die kunstenaars op die EP is deel van die ‘Francois van Coke & Vriende’ produksie. Ek wou hierdie jaar nuwe musiek vrystel voordat ek my derde vollengte solo album uitsit in 2019. Nadat alles lekker bymekaar gekom het vir die show in Pretoria, het dit soos ‘n goeie idee gevoel om saam met van hierdie vriende nuwe musiek te skryf. Met behulp van Red Bull Studios Cape Town en Jägermeister, het ons ‘n EP gemaak wat great klink. Dit gaan awesome wees om ‘n song soos ‘Altyd lief vir jou’ met Early B vir die eerste keer op te voer by die Sun Arena,” vertel Francois.
Besoek Computicket om kaartjies te koop vir die Francois van Coke & Vriende konsert.
Hier is die snitlys vir die En Vriende EP:
- “Ek lewe, ek belowe” Francois van Coke & Die Heuwels Fantasties
- “Altyd lief vir jou” Francois van Coke & Early B
- “Spaar my asseblief” Francois van Coke & Laudo Liebenberg
- “Moenie bang wees nie” Francois van Coke & Jack Parow
En Vriende is by Red Bull Studios in Kaapstad opgeneem deur Fred den Hartog en Dane Taylor. Kyk uit vir ‘n musiekvideo vir die punk snit op die kortspeler, “Ek lewe, ek belowe” met Die Heuwels Fantasties wat op 24 Julie 2018 vrygestel gaan word. Hierdie opwindende vrystelling is ‘n noodsaaklike klankbaan vir die res van 2018, so maak seker jy stroom / koop dit dadelik HIER.
Ek het die hele En Vriende EP deurgeluister vanoggend en ek moet sê dat al die songs van ‘n baie hoë gehalte is. Ek dink hierdie EP gaan op my groei (soos altwee Francois se solo albums en die nuwe Fokofpolisiekar album het).
Check ons Event & Gig guide uit om uit te vind waar en wanneer jy vir Francois van Coke kan live sien en wees op die uitkyk vir gereelde opdaterings op Running Wolf’s Rant.
Blogger, Desktop Activist, Twitter / Facebook Addict, Music Festival Addict, Avid lover of South African music, Founder and owner of Running Wolf’s Rant
Need to kill some time? Read a random article on RWR! Click here
Click here to explore all the sections on Running Wolf's Rant
Click here to read our latest reviews on Running Wolf's Rant
