Die gewilde groep Van Der Aven het pas `n video uitgereik vir die tweede enkelsnit vanaf hul debuut EP (Van Der Aven) wat einde 2022 uitgereik is. Die liedjie “Slaap Jy Al” word tans op radio-speellyste gelaai en kry nou ook ’n nuwe baadjie met die uitreiking van ’n musiekvideo.
“Slaap Jy Al” bespreek die idee van onsekerheid en miskommunikasie in verhoudings en verteenwoordig Van Der Aven se groei na `n meer alternatiewe rock klank.
Slaap Jy Al volg kort op die hakke van die groep se debuut-liedjie, ’n oorspronklike verwerking van die gedig Heimwee wat deur JRL van Bruggen geskryf is. “Heimwee” speel tans op stasies landwyd insluitende RSG, Jacaranda FM, Bok Radio, Groot FM en vele meer.
“Slaap Jy Al” is die eerste enkelsnit van Van Der Aven waar hul eie oorspronklike lirieke tentoongestel word. Die EP was opgeneem by Sunset Recording Studios net buite Stellenbosch met die hulp van die bekende musiekregisseur Jürgen von Wechmar.
Roelof van der Merwe van Van Der Aven vertel ons meer oor “Slaap Jy Al”
“Slaap Jy Al is een van ons gunsteling songs om op te tree vir gehore, want ons kan sien en hoor hoe mense hulself meeleef en verloor in die musiek. Die lied vertel die storie van kwesbaarheid, onsekerheid en twyfel en kom vra dan die vrae: leef ons bymekaar verby of hoe naby is ons daaraan om mekaar te verloor?”
“Slaap Jy Al” se musiekvideo het Hugo Brand, (hy het ook die groep se debuut- musiekvideo geskiet) weereens sy rol as videograaf ingeneem saam met SW Strauss as vervaardiger.
Brand en Strauss het al voorheen saam gewerk op film en televisie produksies, maar hierdie is die eerste musiekvideo wat hulle saam aangepak het. Die akteurs Lara Hattingh en Len- Barry Simons speel die paartjie in die video.
SW Strauss vertel ons meer oor “Slaap Jy Al” se musiekvideo
“Die konsep van die video was om ’n troebel verhouding en die verskillende fases daarvan vas te vang op unieke en abnormale maniere. Dit was regtig ’n baie lekker ondervinding om saam met Van Der Aven te werk!”
Kyk die musiekvideo hier onder:
Meer inligting oor Van Der Aven
Van Der Aven is ’n onafhanklike alternatiewe rock groep wat bestaan uit drie lede, naamlik Roelof van der Merwe (skrywer, sanger en kitaarspeler), Theunis van der Merwe (sanger en baskitaarspeler) en Paul Avenant (sanger en tromspeler).
Die naam Van Der Aven is ’n samestelling van die lede se vanne. Al drie lede is Karoolinge met Paul wat vanaf Murraysburg afkomsig is en die twee broers vanaf Beaufort Wes.
Van Der Aven is in 2020 aangewys as die wenners van Band Or Bust by die 2020 US Woordfees en het al die geleentheid gehad om die verhoog te deel met kunstenaars soos Elvis Blue, Francois van Coke, Arno Carstens, Droomsindroom, Glaskas en Spoegwolf.
Van Der Aven speel by die Feesterrein Musiekverhoog by KKNK op Saterdag 1 April (13:00) en Sondag 2 April (12:00).
Hou jou ogies oop vir gereelde opdaterings in die Music Videos kategorie op Running Wolf’s Rant.
🐺 Ondersteun Ons: Koop vir ons 'n koffie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🔍 Check bietjie ons site uit: Scroll af om verwante artikels en meer te sien. Jy's ook welkom om ons Music, Screen en Knowledge Hubs uit te check. As jy wil sien wat trend, check ons Popular Articles uit.
📐 As jy Afrikaans Is: Check bietjie ons Afrikaanse Hoekie uit.
🕳️ Klim af in die Konyngat: Lees bietjie Random Feite of Kyk 'n Random Musiekvideo.
📅 Kry goeters om te doen: Check ons Upcoming Events of die SA Gig Guide uit.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
