Zandri Botha glo dat wie nie waag nie, ook nie kan wen nie. Dit is nie net die tema van haar splinternuwe enkelsnit en musiekvideo nie, maar ook hoe sy haar musiekloopbaan benader.
“Tien Teen Een”, wat sy saam met Emil Paul en Hugo Ludik geskryf het, is ’n voetstamplekker Afrikaanse pop-treffer wat beslis gaan koning kraai op die dansvloer.
Zandri Botha vertel ons meer oor “Tien Teen Een”
“Die liedjie gaan oor ’n meisie wat verlief is op iemand wat sy weet haar hart gaan breek, maar sy sal eerder die kans vat as om te wonder wat kon wees. Ek glo dit gaan by ’n wye gehoor aanklank vind en dat luisteraars dit saam met my sal geniet.”
’n Musiekvideo, wat die lirieke van die lied perfek komplementeer, is ook nou beskikbaar en sy is baie opgewonde om die eindproduk met die publiek te deel.
Wintertrail Pictures, Anton Ras Photography en Frikkie van Biljon was almal betrokke by die produksie van die projek, wat op verskillende plekke in Pretoria verfilm is.
“Ek het die opname baie geniet en dit is vir my vreeslik spesiaal, omdat dit my heel eerste musiekvideo is,”vertel Zandri.
“Tien Teen Een” is dié talentvolle matrikulant se tweede vrystelling en volg in die voetspore van Skildery, waarvan sy onlangs ook ’n dansweergawe (remix) uitgereik het wat baie goed ontvang is en ’n Afri-Indie Onafhanklike Kunstenaartoekenning verwerf het vir Beste EDM/ dansliedjie deur ’n vroulike kunstenaar.
Zandri, wat in Pretoria-Noord woon en skoolgaan, is al van jongs af passievol oor musiek. Sy het in die laerskool reeds begin sing en kitaarspeel en kry tans sanglesse by Jolanda Becker se gesogte musiekskool.
Sy beskryf haarself as ’n ekstrovert met ’n groot belangstelling in somatologie en daarom wil sy graag na matriek by ISA Carstens Academy gaan studeer.
Die musikant vind inspirasie in liedjies wat met haar hart praat en luister graag na pop, country en geestelike musiek. Kunstenaars soos Riana Nel en Lauren Daigle het ’n groot invloed gehad op haar eie styl en sy sal graag nog eendag saam met Danie Reënwolf (van Spoegwolf) en Kirsten Richard (van Droomsindroom) wou werk.
In die kort tydjie wat sy al in die musiekbedryf betrokke is, het sy geleer dat harde werk en deursettingsvermoë die sleutelbestanddele om sukses te bereik en sy pas dit ook toe in haar studies en persoonlike lewe.
Alhoewel Zandri nog groot planne en drome het vir die toekoms, fokus sy nou eers daarop om skool klaar te maak, haar bestuurslisensie te kry en ’n sukses te maak van haar tweede enkelsnit.
“Tien Teen Een” is ’n opgewekte liedjie, met ’n aansteeklike wysie en lekker lirieke, wat jou uitnooi om jouself te geniet en die lente op ’n vrolike noot af te skop.
Hou jou ogies oop vir gereelde opdaterings in die Music Videos kategorie op Running Wolf’s Rant.
🐺 Ondersteun Ons: Koop vir ons 'n koppie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🎵 Verken ons Music Hub: Check bietjie ons Music Hub uit vir meer musiekverwante inhoud, of kyk wat op die SA Gig Guide is en wat by Upcoming Events aangaan.
🎬 Verken ons Screen Hub: Check bietjie ons Screen Hub uit vir flieks, TV, gaming en meer.
🔥 Popular Articles: Kyk wat ander mense lees by ons Popular Articles.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
