Jack Parow en mompel kletsrymer Angie oeh het twee noemenswaardige dinge in gemeen: meisies en partytjies. Hul samewerking, “Meisies & Partytjies” is die derde enkelsnit vanaf Parow se album, Die Evangelie van Goeie Tye. Hierdie album word stadig bekend gestel met ‘n nuwe enkelsnit wat op die 22ste van elke maand vrygestel word tot Februarie 2023.
Sover sluit hierdie album samewerkings met Early B, Margot, Loki en Bliksemstraal in, maar “Meisies & Partytjies” is almal se gunsteling en die liedjie wat tans die meeste gestroom word op die album. En dis beslis die regte tipe liedjie om die partytjies aan die gang te kry hierdie somer.
Jack Parow vertel ons wat hy dink van Angie oeh
“Angie is regtig great. Ek love dit om saam met haar te werk. Dis cool om weer iemand fresh en nuut te hê. Sy het so ‘n cool style en het regtig net good vibes ge-add tot hierdie song,”
Angie oeh vertel ons wat sy dink van Jack Parow
“Dis vir my die grootste eer om saam Jack Parow ‘n song te hê en nou ‘n musiekvideo ook. Hy’s die coolste dude en om saam hom by Liefde by die Dam op te tree is die hoogtepunt van my jaar. Ons hou van meisies en partytjies. En almal wat dieselfde like is welkom by ons plek!”
Die musiekvideo is verfilm by die Liefde by die Dam fees in Johannesburg en by The Lightning Bolt straatpartytjie in Kaapstad. “Ons het ‘n bed gebou onsite by Liefde by die Dam sodat dit lyk asof ons ‘n partytjie hou in die bed.” vertel Jack Parow.
Jack Parow het nog ‘n snaakse stukkie om te vertel oor “Meisies & Partytjies” se musiekvideo
“Angie het voor Liefde by die Dam nog nooit ge-stagedive nie. Ek het nie gedink dat die meeste van die kids wat daar was nog nooit regtig by groot shows was nie weens Covid. En toe ek stage dive van bo af toe val ek reguit op die grond, want niemand het my gevang nie! Na dit wou Angie nie vanaf die verhoog te stage dive nie, maar toe klim sy af van en stage dive van onder af! Dit was nogal mal.”
Kyk die video vir die liedjie hier onder:
Ek weet hierdie is nie almal se cup of tea nie, maar ek moet sê dat hierdie tune op my gegroei het oor die laaste jaar. Eks nuuskierig hoe Jack Parow se voltooide album gaan klink – iets in my gut sê net vir my dat dit goed gaan wees.
Jy kan die liedjie HIER stroom / aflaai.
Hou jou ogies oop vir gereelde opdatering in die Music Videos category on Running Wolf’s Rant.
🐺 Ondersteun Ons: Koop vir ons 'n koppie boere troos, dit sal ons help om vir jou nog goeie goeters te bring.
📬 Join die Wolf Pack: Teken in op ons nuusbrief om updated te bly.
🎵 Verken ons Music Hub: Check bietjie ons Music Hub uit vir meer musiekverwante inhoud, of kyk wat op die SA Gig Guide is en wat by Upcoming Events aangaan.
🎬 Verken ons Screen Hub: Check bietjie ons Screen Hub uit vir flieks, TV, gaming en meer.
🔥 Popular Articles: Kyk wat ander mense lees by ons Popular Articles.
Nog Artikels Wat Jy Dalk Gemis Het
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
