Sedert die vrystelling van sy debuutenkelsnit “Wyne” in 2024, het Suid-Afrika kennis geneem van die jong sanger-liedjieskrywer Dassie.
Nou bevestig hy sy plek in die plaaslike musieklandskap met “Ek Mis”, ’n kortspeler wat meer as net mooi melodieë bied – dit’s ’n opregte en persoonlike reis deur sy ervarings, verlange en groei.
“‘Ek Mis’ is vir my ’n samevatting van wat dit beteken om huis toe te verlang, selfs terwyl jy besig is om groot te word,” sê Dassie. “Ek’s tegnies ’n volwassene, maar diep binne voel ek nog soos daai kind wat elke dag iets nuuts leer.”
Die EP bestaan uit ses snitte – insluitend die geliefde “Wyne” – en vyf splinternuwe liedjies wat Dassie self geskryf het: “Babelaas”, “Gourits”, “Plaashekke”, “Karoo” en die titelsnit “Ek Mis”.
Hoewel elke liedjie ’n eie atmosfeer en klanklandskap bring, is daar ’n duidelike tematiese draad van nostalgie, tuiskoms en die eenvoud van menswees.
Van die ligsinnige humor in “Babelaas” tot die diep sentiment in “Karoo”, bied Dassie iets vir elke bui – en elke luisteraar.
“Ek het doelbewus met verskillende genres gespeel – daar’s rock, country, selfs ’n ballade – want ek wil nie in ’n boks wees nie. Dis hoe ek my plek in die bedryf leer ken: deur my eie grense te toets,” verduidelik hy.
“Plaashekke” neem jou op ’n musikale wegbreek, terwyl “Gourits” herinner aan somers en jeugherinneringe – alles met die warmte van ’n kampvuurkuier of ’n padrit deur die platteland.
Vir die produksie van die EP het Dassie homself omring met gevestigde talent: Appel het as skryfmentor opgetree, Graaff Produksies het aan die klank gewerk, en die finale afronding is gedoen deur Paulo van Coleske.
“Ek’s ongelooflik dankbaar vir hierdie span – hulle het my gehelp om die beste weergawe van my musiek aan die wêreld te wys,” sê hy.
Hoewel Dassie se klank modern is, bly sy hartsdrif vir mense, stories en optredes sy dryfveer.
“As jy hoor ek tree op – kom loer in. Ek’s net ’n kleindorpseun met groot drome. Ek wil wys dis moontlik.”
“Ek Mis” is nou beskikbaar op alle groot digitale platforms, insluitend Apple Music, Spotify en Deezer. Luister HIER.
Hou jou ogies oop vir gereelde opdaterings in die Music News kategorie op SA Music Zone.
Like what you just read? Buy us a coffee to enable us to bring you more content like this.
You're also more than welcome to subscribe to our newsletter to stay in the loop.
Feel free to explore our website or check out our Featured Articles.
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
