‘Gelukwaarts’ is die titel van Petronel Baard se nuwe enkelsnit wat amptelik bekendgestel is op nasionale Erfenis dag, 24 September 2022.
Meer inligting oor “Gelukwaarts”
“Gelukwaarts” is miskien net aan ‘n gelukkige paar mense bekend as ‘n prag plaas te vinde reg aan die voet van die asemrowende Olifantsberge net buite Porterville in die Weskaapse wynlande en het inspirasie gegee aan die titel van die liedjie.
Daar is ‘n bekende gevoel van nostalgie wat mens terug neem na die onskuldige jare van mens se kleintyd toe geluk en blydskap nie ‘n bestemming was nie maar liewer ‘n gereelde belewenis in elke oomblik van kindwees jare met slegs so nou en dan ‘n vlugtige oomblik van traan pik as daar ‘n ongelukkie was gevolg deur afstof, opstaan en verder speel saam met sorgvrye maatjies.
Met grootword het daardie tye weg geval en is nou maar net ‘n vaeweg herinnering veral wanneer mens in ag neem die trauma waardeur meeste mense tydens die laaste pandemie moet deur leef. Mens weet teen die tyd dat die pad na geluk en blydskap loop nie reguit nie, maar kronkel oor heuwels, passe en brûe en kan in enige rigting lê.
Petronel Baard noem self ook oor die inspirasie vir “Gelukwaarts”
“Die liedjie is vir my besonders spesiaal en word opgedra aan die herhinnering ons vriend, Philip Theron, wat my altyd Gelukwaarts gedwing en gepleit het. Sy erfenis vir my en my erfenis vir hom. Rus in vrede liewe Philip.”
“Gelukwaarts” is opgeneem by die Glenwood House skool deur Deon Scheepers saam met die Suidkaap Kinderkoor onder direksie van Jan-Erik Swart en die saam met begeleiding van die Mosselbaai Strykensemble saam met Franco Engelbrecht op klavier.
Die musiek is verwerk deur Johan Engelbrecht en die opname gedoen deur Deon Scheepers en daarna vermeng deur Riku Lätti, waarna John Rogers (VSA) wat die bemeerstering daarvan behartig het. Die verfilming van die musiekvideo het op 3 September plaasgevind saam die kinderkoor en strykensemble deur Efpe Senekal in die geskiedkundige Robinson Pas in die Suidkaap is en daarna verwerk.
Petronel Baard vertel ons meer oor “Gelukwaarts”
“Dit is ‘n konstante reis wat meesleur en jy soms net moet toelaat soos die branders van die lewe oor jou spoel of soms berekend in die oë moet kyk voor jy self besluit waar dit jou neem. Hoe dit ook al sy, ons is almal op reis en dit, hoop ons, Gelukwaarts.”
“Ek het soveel blydskap ervaar om saam met die Mosselbaai Strykensemble asook die mees fantastiese stemme van die Suidkaap Kinderkoor te kon werk en dit was vir net ‘n eer om hulle deel hiervan te kon maak. Die kombinasie het die vreesvrye, sorgvrye en liefdevolle siel van die liedjie perfek uitgebeeld.”
Hou ‘n ogie en oor uit vir “Gelukwaarts” deur Petronel Baard. Die liedjie het die 24ste September op Haidee Muller-Isaacs se program op RSG, Oppiradio sy debuut gemaak en is nou beskikbaar op alle stromings platforms.
Kyk die video vir “Gelukwaarts” hier onder:
Hou jou ogies oop vir gereelde opdaterings in die Music Videos kategorie op Running Wolf’s Rant.
