Vier Afrikaans se 100ste Verjaardag saam Die Vyftigers

Wie is Die Vyftigers? En wat beplan hulle om Afrikaanse se 100ste verjaardag te vier? Lees verder om meer uit te vind…

2025 is ’n jaar van mylpale: Afrikaans vier haar 100ste amptelike bestaansjaar, en vier van die taal se mees oorspronklike, geliefde kunstenaarseuns vier hul 50ste omwenteling om die son.

Die resultaat? ’n Onvergeetlike vertoning genaamd Die Vyftigers – ’n musikale viering van lewe, taal, stories en tyd.

Neil Sandilands, Schalk Joubert, Gian Groen en Abel Kraamsaal – vier unieke stemme in die Afrikaanse musieklandskap – klim saam op een verhoog om hul liefde vir Afrikaans en hul eie halfeeu lange reis te eer. Dié produksie is eerlik, rou en reguit – vol liriek, lag, melodie en menswees.

Die idee vir Die Vyftigers het ontstaan tussen die appelboorde van Grabouw, by Gian Groen se 50ste verjaarsdagpartytjie. Tussen kitare, staalsnare en spontane samesyn, het Neil Sandilands die lig gesien: vier musikale vriende, almal besig om die 50-mylpaal te takseer, in dieselfde jaar wat Afrikaans 100 jaar oud word.

Hierdie kreatiewe toeval kon eenvoudig nie geïgnoreer word nie – en met net een oproep na elk, was almal aan boord. Só is Die Vyftigers gebore – ’n unieke kruispunt tussen taal en tyd.

Elke kunstenaar bring sy eie storie, instrument en kleur na die verhoog. Tussen hul vier loopbane is daar meer as 200 jaar se kreatiewe gravitas – elke noot en elke sin deurdrenk met betekenis.

Ontmoet Die Vyftigers

Gian Groen: Bekend vir “Vier Seisoene Kind”, bring sy kenmerkende vingerkitaarstyl en rou stem.

Schalk Joubert: Met dekades se invloed in die musiekbedryf dien hy, met sy baskitaar, as musikale anker en ritmiese gom.

Abel Kraamsaal: Terug op die verhoog ná jare in die korporatiewe wêreld en honger vir verhoogwerk. Hy bied vars insigte en kragtige lirieke.

Neil Sandilands: Die hofnar en visuele impresario – verbind die produksie met humor, sinisme en teater flair.

Die Vyftigers is nie net ’n musiekvertoning nie – dis ’n viering. Met liedjies uit elke kunstenaar se repertoire, asook nuwe werke wat spesiaal vir hierdie vertoning geskep is, neem hulle gehore op ’n reis deur persoonlike stories, taalgeskiedenis en tydlose klanke. Die vertoning is ten volle in Afrikaans – ’n danksegging aan die taal wat dit alles moontlik maak.

Of jy nou ’n aanhanger is van Afrikaanse musiek, van die kunstenaars self, of net op soek is na iets eg, diep en vermaaklik – hierdie vertoning is ’n moet-sien.

“Wat kry jy as jy vier duidelike persoonlikhede op een verhoog sit, wat elk ’n instrument bespeel, ’n ordentlike liriek kan pen en derms het wat brand? Sprankel ’n aweregse Afrikaanse woordeskat, sprinkel ’n titsel selfnegerende humorsin, ’n spatsel witblits, ’n slurpie Boere Zen en ’n draggie 50 jaar oue hardehout.” sê Neil Sandilands.

“Daar het jy dit. Die resep vir ’n aand se eersteklas vermaak: Die Vyftigers. Amper soos Trompie en die Boksombende. As ek dan nou Trompie is, en Gian is Rooies, Abel is Dawie, Briers Coetzee (ons klankingenieur wat ook kan cajon speel) is Blikkies, dan is Schalk mos Boesman die brak.” sê hy.

Moet dit nie misloop nie: een jaar, een taal, vier verjaarsdae, een verhoog. ’n Seldsame belyning van sterre, musiek en moedertaal. Die Vyftigers is ’n kultuurgebeurtenis.

Bespreek jou sitplek vir Die Vyftigers!

• Donderdag, 10 Julie 2025 – Die Koelkamers, Paternoster – Kry kaartjies HIER
• Vrydag, 11 Julie 2025 – Daisy Jones Bar, Stellenbosch – Kry kaartjies HIER
• Sondag, 13 Julie 2025 – The Drama Factory, Strand – Kry kaartjies HIER
• Donderdag, 31 Julie 2025 – The Music Kitchen, Gqeberha (Port Elizabeth) – Kry kaartjies HIER
• Saterdag, 2 Augustus 2025 – St Francis Brewing, St Francisbaai – Kry kaartjies HIER
• Sondag, 3 Augustus 2025 – Fancourt, George – Kry kaartjies HIER
• Vrydag, 8 Augustus 2025 – Reed Valley, Mosselbaai – Kry kaartjies HIER
• Saterdag, 9 Augustus 2025 – Kalfiefees, Hermanus – Kry kaartjies HIER
• Sondag, 10 Augustus 2025 – The Alma Cafe, Kaapstad – Kry kaartjies via bookings@almacafe.co.za
• Woensdag, 20 Augustus 2025 – Cafe Barcelona, Colbyn Pretoria – Kry kaartjies via info@cafebarcelona.co.za / WhatsApp 082 458 9342
• Donderdag, 21 Augustus 2025 – Afriforum Teater, Pretoria – Kry kaartjies HIER
• Vrydag, 22 Augustus 2025 – Afriforum Teater, Pretoria – Kry kaartjies HIER
• Donderdag, 18 September 2025 – Aasvoëlklub, Bloemfontein Kry kaartjies via vultureclubevents@gmail.com / WhatsApp 084 559 8991
• Vrydag, 19 September 2025 – Melkkan, Welkom – Kry kaartjies via silevera@gmail.com / WhatsApp 084 517 4699
• Saterdag, 20 September 2025 – Lake Umuzi Fees, Secunda – Kry kaartjies via HIER
• Sondag, 21 September 2025 – Pierneefteater, Pretoria – Kry kaartjies via info@pierneefteater.co.za / WhatsApp 072 460 5568
• Woensdag, 24 September 2025 – Ettienne Rosseau Teater, Sasolburg – Kry kaartjies via https://ertickets.com
• Donderdag, 25 September 2025 – Yoons, Witrivier – Kry kaartjies via info@yoonseatery.co.za / www.yoonseatery.co.za / Skakel 063 478 6846
• Vrydag, 26 September 2025 – Centurion Teater, Pretoria – Kry kaartjies HIER
• Saterdag, 27 September 2025 – Loopstraat, Potchefstroom – Kry kaartjies via looptherestaurant@gmail.com / WhatsApp 082 571 8557
• Sondag, 28 September 2025 – Matinee, Centurion Teater, Pretoria – Kry kaartjies HIER

Vir meer inligting, kliek hier: https://linktr.ee/DieVyftigers

Hou jou ogies oop vir gereelde opdaterings in die Music News kategorie op SA Music Zone.

Like what you just read? Buy us a coffee to enable us to bring you more content like this.

You're also more than welcome to subscribe to our newsletter to stay in the loop.

Feel free to explore our website or check out our Featured Articles.