Frank Freeman het sy musiekloopbaan vroeg begin toe hy die Grey College Boereorkes gejoin het in Bloemfontein toe hy net 6 jaar oud was.
Frank Freeman het saam met die groep in Europa gaan toer en is genomineer vir ‘n Suid-Afrikaanse Tradisionele Musiek Toekenning, voor hy skool klaargemaak het.
9 jaar terug het hy professioneel begin speel en Kaapstad toe verhuis. Hy het vir homself ‘n naam gemaak as ‘n go-to session kitaar speler. Hy het al vir mense soos Arno Carstens, Francois Van Coke, Zolani Mahola, Ard Matthews and aKing kitaar gespeel. Hy het al op baie studio albums kitaar gespeel, in verskeie TV produksies verskyn en ‘n hele paar teater shows opgetree. Hy is tans besig om aan sy debuut solo album te werk.
Ek het onlangs met Frank Freeman gepraat oor EET KREEF HERLEEF! en so paar ander goedjies
Hier is wat Frank Freeman te sê gehad het.
Hoe voel dit vir Frank Freeman om weer op die verhoog terug te wees na twee jaar?
Dit voel asof ons terug by die huis is. Daar is niks wat die ervaring van live musiek kan vervang nie. Dit vind plaas in die oomblik. Net die band en die gehoor is daar. Niemand anders nie. Net die mense wie daar is ervaar wat gebeur. Dis spesiaal.
Dink Frank Freeman kunstenaars het dit in verlede for granted gevat om op stage te wees? Is daar iets anders wat nou inskop? Of voel dit of julle net optel waar julle laas gelos het?
Almal het dit gemis. Ek dink almal het besef dat mense ander mense nodig het. Nie net in musiek nie, maar in algehele lewe.
Vertel ons van die proses hoe die betrokke kunstenaars wat op die verhoog is by die EET KREEF HERLEEF! projek beland het?
Ek het destyds die idee gehad om ‘n musiek produksie bymekaar te sit met Kerkorrel se musiek. Toe ek op toer was saam met Arno Carstens het hy genoem dat dit interressant sal wees om ‘n hele album aan te pak. Dis toe dat ek besluit het om die EET KREEF! album as ‘n produksie te doen.
Ek het onmiddelik gedink aan Laudo Liebenberg om die hoofrol as sanger te vertolk en toe hy instem toe sit ek die res van groep bymekaar. Schalk van der Merwe is iemand wie se wortels diep in die geskiedenis van Afrikaanse alternatiewe musiek lê.
Dan is hy boonop ‘n fantastiese baskitaar speler ook. Toe kry ek hom. Ek en Sheldon Yoko werk al jare saam. Hy is een van die beste drommers wat die land al gesien het. Toe kry ek vir Mikhaela Kruger om uiteindelik by die toer groep aan te sluit omdat sy so veelsydig en talentvol is. Dis ‘n ongelooflike band.
Watter van die songs is vir julle die heel lekkerste om te speel?
Daar is ‘n klomp songs wat mens raak vir verskillende redes, maar vir my persoonlik is “Donker Donker Land” een van die emosionele hoogtepunte van die show. Mens moet jouself amper sielkundig voorberei daarvoor. Dit raak jou diep. Of jy in die band of in die gehoor is.
Kerkorrel se verjaardag is net na die Atterbury show, watter verjaardag boodskap sal Frank Freeman aan hom wil opdra?
Al boodskap wat ek sal kan gee is di volgende: Dankie vir die musiek. Dankie vir die nalentskap van alternatiewe Afrikaanse musiek en kultuur. Dit leef voort.
Hoekom is dit belangrik dat mense nou nog na die EET KREEF! album (asook julle weergawe EET KREEF HERLEEF!) moet luister?
Dit is ‘n stuk geskiedenis. Hierdie album is ‘n belangrike deel van die Afrikaner kultuur. Dit bewys dat daar nog altyd alternatiewe Afrikaners is. Meer as wat mense dink. Dit was so in 1989 en dis nog meer so nou. Ons herinterpretasie van hierdie album is om mense weer bewus te maak daarvan, want die omvang van die musiek is net so relevant nou soos wat dit was meer as 30 jaar terug. Net in ‘n nuwe konteks.
Ek wil graag vir Frank Freeman dankie sê vir hierdie onderhoud. Julle kan hom en Laudo Liebenberg Live vang by Sowaar Bar in Pretoria op die 25ste Maart 2022.
As jy die EET KREEF HERLEEF! vertonings wil beleef, kry jou musiek-liefhebbende voetjies by The Daisy Jones Bar at OMG in Stellenbosch op die 19de Maart of by 3 uur of 7 uur show by die Atterbury Teater in Pretoria op die 26ste Maart 2022.
Kry kaartjies vir een van die Pretoria shows of vir die Stellenbosch vertoning, dit gaan pret wees.
Om ‘n idee te kry hoe awesome die show gaan wees, kyk die video vir “Liefde” hier onder:
Wees op die uitkyk vir gereelde opdaterings in die Music kategorie op Running Wolf’s Rant.
Like what you just read? Buy us a coffee to enable us to bring you more content like this.
You're also more than welcome to subscribe to our newsletter to stay in the loop.
Feel free to explore our website or check out our Featured Articles.
Looking for a gift for that special person in your life? Check out Netflorist.co.za, South Africa's top online florist and gift service. They offer flowers, gifts, and hampers for all occasions AND reliable nationwide delivery.
